Critane Tetty Handayani Saka Langsung Malih Langsing
Diposting oleh : Administrator
Kategori: Anyar Katon - Dibaca: 132 kali

Para maos, aku kepengin andum crita. Aja kuwatir, iki dudu crita ngayawara, uga nora rasan-rasan nggo­sipake liyan. Ananging bab lakuku dhewe, ngupadi kasarasaning badan.

Aku nduwe foto jaman lawas. Yaiku nalika umurku 30 taun. Wektu iku bobotku 98 kg. Meh sakintal ya? Hehehe... Ya cetha wae aku layak kaparaban nduwe awak lang­sung. Saka ndhuwur tekan ngisor sar­wa mlembung. Yen digatekake, praenku kaya luwih tuwa saka umurku ya?

Nduwe badan kanthi ukuran ekstra plus plus, njalari aku kerep kangelan. Sing mes­thi kangelan nggolek klambi. Jalaran ka­repe mono menganggo sing sarwa apik me­nik menik. Nanging kahanane badan njalari kudu milih saanane, sauger awak bisa mlebu. Kejaba saka iku, nduwe badan kanthi bobot samono uga njalari aku ka­ngelan obah werna-werna.

Seneng memangan tanpa mikir, langka olah raga, mula ya banjur dadi kerep keta­man lelara. Saben taun, aku bisa mlebu rumah sakit ping telu utawa papat. Sing kerep jalaran ketaman lelara magh, amarga olehku memangan sing ora pener. Uga, jalaran kepincut maneka diet sing dakjajal. Kejaba saka iku aku uga tau nganti operasi batu empedu........sapepake

Berita Terkait

img

Samak Minggu Ini

img

img

Sumber Semangat

Nalika kowe anyel lan rumangsa gela, mula dina iku satemene kowe lagi ajar bab katumemenan.

Klik

DIGITALISASI WAYANG

Jroning upaya nylametake barang sejarah kayadene wayang, Keraton Yogyakarta wiwit 2019 iki nindakake digitalisasi jroning wujud foto. Kanthi anane wayang digital mula bakal nggampangake masyarakat ndeleng kanthi detail lan rinci Wayang Keraton iki. Dinane iki pihak Keraton Yogyakarta wis kasil nindakake digitalisasi rong kothak wayang kulit saka 14 kothak kang ana. Pancen rada rendhet, merga sak kothak wae bisa ngentekake wektu sasen-sasen, amarga jroning sak kothak kuwi ana atusan wayang kang kudu didigatalisasi siji mbaka siji kanthi detail banget. Asile bisa dideleng ing website kraton jogja.id (d/ist)

Pethilan

Dhuwit ijolan korupsi Rp 477.359 milyar ditampa

Yen dietung siji-siji pirang dina ya kuwi?

Sing nindkake teror nganggo air keras kawiyak

Bisa dikon cuci tangan dhisik kuwi…

Mlebu BUMN, Ahok diajab mundur saka partai

Sing durung-durung wis nulak Ahok, mundur wae saka BUMN