DKI “Ngabul-abul” Anggaran Lim Rp 82 M Balpoin Rp 123 M
Diposting oleh : Administrator
Kategori: Laporan - Dibaca: 63 kali

Lumantar twitter anggota DPRD saka PSI, kewiyak yen Pemprov DKI Jakarta saben taun “ngabul-abul” APBD sing plafone fantastis. Upamane, saka RAPBD 2020 sing Rp 96 trilyun iku, lem aibon Rp 82 milyar, bolpoin Rp 123 milyar. Gubernur Anies Baswedan nyalahake sistem e-budgeting sing ora smart. Ning mantan Gubernur Ahok lan Djarot ngarani, gumantung mentale sing ngisi data.

 

ING situs online KBKnews.id nembe iki macak wayang politik lakon “Sukma Nglembara” karyane Ki Guna Watoncarita. Ing kono dicritakake, sabakdane perang brubuh Ngalengkadiraja, ing krajan Pancawati Prabu Rama nawung dhuhkita jalaran Dewi Sinta garwane stress dadakan. Saben-saben girap-girap kaweden amarga digiri godha sukmane Dasamuka sing kepengin njatukrama, arep dijak mukti ing Suwarga Bandhang.

Prabu Rama mintasraya Resi Anoman ing Kendalisada. Jebul sukmane Dasamuka klambrangan merga pakunjarane Sukma Nglembara ing Gunung Sumawana tinemu bolong. Sukmane Dasamuka dicekel, dilebokake mrono maneh. Ning tetep metu maneh senajan ditableg watu item. Saking judhege, Resi Anoman nyoba tuku lim aibon rega Rp 82 milyar saka DKI Jakarta. Bareng ditutup lim mau, jebul sukmane Dasamuka ora bisa metu maneh. Dewi Sinta kontan bagas kuwarasan, mari stresse.

Berita Terkait

img

Samak Minggu Ini

img

img

Sumber Semangat

Nalika kowe anyel lan rumangsa gela, mula dina iku satemene kowe lagi ajar bab katumemenan.

Klik

DIGITALISASI WAYANG

Jroning upaya nylametake barang sejarah kayadene wayang, Keraton Yogyakarta wiwit 2019 iki nindakake digitalisasi jroning wujud foto. Kanthi anane wayang digital mula bakal nggampangake masyarakat ndeleng kanthi detail lan rinci Wayang Keraton iki. Dinane iki pihak Keraton Yogyakarta wis kasil nindakake digitalisasi rong kothak wayang kulit saka 14 kothak kang ana. Pancen rada rendhet, merga sak kothak wae bisa ngentekake wektu sasen-sasen, amarga jroning sak kothak kuwi ana atusan wayang kang kudu didigatalisasi siji mbaka siji kanthi detail banget. Asile bisa dideleng ing website kraton jogja.id (d/ist)

Pethilan

Dhuwit ijolan korupsi Rp 477.359 milyar ditampa

Yen dietung siji-siji pirang dina ya kuwi?

Sing nindkake teror nganggo air keras kawiyak

Bisa dikon cuci tangan dhisik kuwi…

Mlebu BUMN, Ahok diajab mundur saka partai

Sing durung-durung wis nulak Ahok, mundur wae saka BUMN