Ngenteni Trajange Sri Asih ing Layar Amba
Diposting oleh : Administrator
Kategori: Anyar Katon - Dibaca: 36 kali

Wanita umur likuran aran Nani Wijaya kuwi nduweni rupa ayu kang kinacek sa-samaning kenya. Pawakane sedheng-an kepara langsing. Tindak-tanduke susila anoraga lan kebak ing reh unggah-ungguh. Nanging sapa ngira pawestri sing katone klemar-klemer kuwi jebul nggadhuh kekuwatan ngedab-edabi. Uger ngucapake ‘mantram sekti’: “Dewi Asih!”  jleg, Nani Wijaya sing maune manungsa lumrah iku sakala bisa  tiwikrama dadi gedhe ronggah-ronggah.

Sandhang penganggone uga salin: jarit mawa kemben, makutha lan sum-ping ngrenggani sirah, sarta slendhang nggubed bangkekan. Kathi kostum  kang kaya mengkono mau Nani Wijaya ganti aran dadi  Sri Asih, sawenehe  pahlawan super  sing dhemen tetulung marang wong ringkih  lan ora mamang mbengkas  sawernaning tindak kadurjanan. Kejaba bisa tiwikrama sagunung anakake gedhene, kasektene Sri Asih liyane yakuwi sanggup napak dirgantara, ora pasah ditamani sakehing gegaman, sarta bisa mecah dhiri dadi maewu-ewu.

Gegambarane wanita super aran Sri Asih mau muncul ing komik-komike R.A. Kosasih kang diterbitake sepisanan  ing Bandung taun 1954. Kanthi karakter sing kaya mengkono mau Kosasih sajake kepengin nyiptakake  superhero wanita  khas Indonesia.  Kosasih mujudake komikus sepisanan sing ngangkat tema superhero. Sawise Sri Asih kuwawa nyolong kawigatene pandhemen komik,  ing taun-taun candhake  jagad komik Indonesia lagi diramekake dening tekane  superhero-superhero anyar, kaya dene Gundala  lan Kapten Mlaar karyane Hasmi,  Labah-labah Merah (Kus Bram), Godam lan Aquanus  (Wid NS) lan Si Buta dari Goa Hantu (Ganes TH)...........sapepake

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan