Tim Bayucaraka Juara Dunia
Diposting oleh : Administrator
Kategori: Anyar Katon - Dibaca: 47 kali

Tim saka Institut Teknologi Sepuluh Nopember (ITS) kelakon antuk prestasi maneh ing jagading robotika internasional. Yaiku ing ajang 2019 Tübitak International Unmanned Aerial Vehicle (UAV) Competition ing Istanbul, Turki. Tim Bayucaraka ITS kasih nyabet Juwara I kategori Fixed Wing.

Mohamad Ikbal Pangestu, public relations Tim Bayucaraka ITS, njlentrehake, kejaba nyandhang Juwara I, tim-e uga kasil antuk prestasi minangka desain paling top. Pancen, tim ing kategori iki kudu nglakoni rong misi sadawane tandhing.

Sing sepisan, pesawat tanpa awak kasebut wajib nindakake manuver mbentuk angka wolu nalika mabur. Ing misi iki, tim Bayucakra kelakon nindakake kanthi wektu singpaling cepet, kanthi sitem  autonomous (tanpa dikendhelake). “Sakjane oleh wae yen arep sacara manual, nanging bijine ya luwih sithik,” ujare mahasis-wa De-partemen Kimia kasebut.

Dene misi sing kapindho yaiku pesawat ditantang nibakake sawijining barang saka ngakasa ing papan sing ditemtokake. Kabegjan tenan, pesawate Bayucakra bisa antuk jarak sing paling cedhak.

Ikbal ngakoni, taun 2018 kepungkur tim-e uga melu kompetisi iki. “Nanging mbiyen mung antuk peringkat lima,” kandhane. Tim ora banjur nglokro ngono bae. Malah ya gage nindakake maneka evaluasi, ngonceki kurang lan cupete. “Mula banjur wani tandhing maneh, lan bisa tampil maksimal taun iki,” ujare Ikbal mongkog.

Kompetisi iki dieloni dening tim akehe 40 saka 30-an negara. Saka Indonesia, kejaba ITS, uga ana tim saka Universitas Gadjah Mada (UGM) lan Institut Teknologi Bandung (ITB).........sapepake 

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan