Adityaningrum Purba Crita Bab Ingkang Rama
Diposting oleh : Administrator
Kategori: Anyar Katon - Dibaca: 48 kali

Lair minangka anak mbarep ing kulawarga intel maritim, njalari Tya, celukane Adityaningrum Purba, nduweni watak teges lan tatag. Bapake sing dhines ing kutha liya, ndadekake Tya nglakoni urip mandhiri ing Surabaya. Pengalamane dadi putri mbarepe sang bapak iku sing banjur dicritakake Tya lan nggregengake kumpulan tulisan terbitan Padmedia.

 

Milih nganggo jeneng Tya Su­harminto, mujudake tandha yen tulisane kapisungsungake katurkang rama (Suharminto). “Bapakku tresna marang kulawargane, nanging ora banjur nguja anak bojo sakpole. Mula aku pengin akeh uwong ngerti yen ana bapak sing kaya panjenengane,” kandhane Tya mantep.

Sing unik saka tulisane Tya yaiku dhe­weke milih irah-irahan sing kosok balen saka watake bapake. “Harta, Tahta, Wanita”. Tembung telu sing kerep dikan­dhakake minangka kamulyan kanggone para kakung. “Amarga bapakku malah dudu pawongan sing kaya mangkono,” ujare dhokter sing praktik ing Maria Elizabeth Clinic kasebut.

Tya banjur crita, dheweke ndhisik man­dhiri karo adhine ing Sura­baya, dene bapake dhines me­nyang luwar Jawa, diampingi ibu­ne. Dhuwit jatah sasen ora pa­tiya akeh, mula Tya lan adhine ora bisa waton dolan lan royal kaya kancane. Nanging, jebulane, semono uga uripe bapak lan ibune. “Ibuku yen nyenyan­dhang mung salumrah, uga ora pating krenthil nganggo barang mewah. Malah nganti ana sing kaget nalika ngerti yen ibu iku garwane bapak,” critane Tya.

Sawise pensiun, bapake Tya milih leren, nglabuhi kulawarga. Sanadyan ana sing nawani gaweyan kanthi asil gedhe, panjenengane nulak kanthi alus. “Bapak rumangsa deduwene wis cukup, ora kersa numpuk raja brana,” imbuhe mantan atlet ski air kasebut.

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan