Pengalamanku Dadi TKI (2 – tamat)
Diposting oleh : Administrator
Kategori: Laporan - Dibaca: 18 kali

Kerjaku ana toko material bangunan. Kejaba nglayani wong tuku, yen lagi sepi ana kerja semben. Yaiku gawe carnice (hiasan plafon langit-langit), biding (hiasan segi empat kanggo pojok langit-langit sing dipasang carnice iku mau) lan uga gawe center panel kanggo masang kipas angin utawa lampu gantung, lan uga gawe hiasan kaligrafi cetak. Bahan bakune jenenge “casting”, kaya batu kapur utawa gips sing ditekake saka Malaysia utawa Thailand. Yen mung kerja nglayani wong tuku iku gampang, ora ana masalah. Lha ning gawe sakehe hiasan iku mau sing radha mumet, merga durung tau babar pisan tur ya ora nduwe bakat seni lagi jamane sekolah biyen, lan teknik carane nggawe uga durung mudheng. Sebenere neng kana ana kanca siji, sing dikon ngajari carane gawe iku kabeh mau. Ning dheweke uga durung pinter, dadi ya ra bisa ngajari. Lha dheweke uga isih coba-coba utawa jajalan, njur aku kon ngetutake wong jajalan. Ya kojur tenanan. Saben-saben gawe carnice, cetakan dicopot arep digantung, mesti pecah lan nibani sirah, utawa buyar kemruwuk neng rai. Merga bahan bakune kaya batu kapur utawa gips, dadi ya kaya wong pupuran therok-therok ning ora ayu.

Aku dadi judheg tenanan, piye ya carane gawe? “Guru”-ne wae ra becus. Yen gagal terus kaya ngene padha karo mbuang dhuwit, merga bahan bakune uga larang. Ora penak karo bos yen ngana, dipasrahi gawean ra tanggungjawab. Kamangka gawean iku gawean sing bisa dideleng ngang-go mata biasa, dudu rahasia, masak ora bisa, ngono batinku ngaruara. Aku banjur ndonga ing batin, nganggo basa jawa tur blaka; “Dhuh Gusti Alloh, paringana pituduh supaya bisa ngerjani gawean iki kanthi becik.”.........sapepake 

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan