Ora Ngerti Tegese
Diposting oleh : Administrator
Kategori: Apa Tumon - Dibaca: 94 kali

Watara limang taun kepungkur, Mbah Inem, warga Wonogiri, ngumbara menyang Palembang. Wektu kuwi Mbah Inem lagi sepisan lunga adoh lan durung pinter ngomong nganggo basa Indonesia. Ing Palembang, Mbah Inem bukak kios jamu. Lagi wae bukak, wis ana uwong sing mara.

 “Bibi pedagang jamu baru ya?” pitakone.

“Iya, Bu”.

 “Bibi tinggal di mana?”

 Mbah Inem ora mudheng karo sing ditakokake ibu-ibu mau. Karo ngudhak jamune, Mbah Inem gemremeng lirih, “Nana nana nana.”

 “Mana, Bi?” ibu-ibu mau mepetake kupinge.

 “Nana nana nana!” ucape Mbah Inem sora.

 Ibu-ibu mau njumbul. Nuli mlongo campur bingung merga ora mudheng karo jawabane Mbah Inem. Mbah Inem dhewe sawise ngedoli jamu banjur cepet-cepet ngalih merga isin. Tekan omah kontrakan, Mbah Inem banjur takon marang kancane tegese tembung “tinggalnya di mana.”

 “Lha njenengan mau njawab piye, Mbah?” kancane genti takon.

“Nana nana nana,” saure.

Sakala kancane Mbah Inem ora bisa ngampet guyune. Karo isih ngguyu kekel dheweke nerangake tegese tembung tinggalnya di mana. Apa tumon, nylimur pitakon kok nganggo wangsulan ora cetha.

Tri Wahyuni – Kuniran, Selorejo, Girimarto, Wonogiri.......sapepake

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan