Tegel Cap Kunci Ngrenggani Wewangunan Kraton Ngayogyakarta lan Surakarta
Diposting oleh : Administrator
Kategori: Laporan - Dibaca: 103 kali

Menawa para sutresna PS plesir utawa leledhang ing Kraton Ngayogya­karta, mbok menawa kurang nggatekake tegel utawa jobin sing kita liwati. Jobin-jobin kasebut pancen satleraman kurang ndudut ati. Ananging menawa ditamat­ake kanthi permana, ornamen-ornamen ing tegel mau pranyata istimewa banget. Contone tegel sing ngrenggani ing Bangsal Sri Manganti Kraton Ngayog­yakarta.

Nah, tegel sing ngrenggani wewa­ngu­nan ing Kraton Ngayogyakarta mau, kejaba endah ornamen lan warnane, uga nggembol sejarah sing dawa. Malah, ing zaman biyen, jobin kanthi ornament kang endah mau bisa sinebut ‘lambang kemewahan’.

 

Sejarah

Perlu kawuningan, tegel sing kita kan­dhakake ing dhuwur, yaiku gawean pa­brik tegel sing legendharis ing Ngayog­yakarta, yaiku Pabrik Tegel Cap Kunci. Lha, menawa dirunut sejarahe, Pabrik Tegel Kunci wis ana wiwit 16 Desember 1927 kepungkur, yaiku nalika Nuswantara dijajah Landa.

Ing taun-taun kasebut, pancen akeh perusahaan ing Nuswantara sing didu­weki dening wong-wong Eropa. Salah sijine yaiku Pabrik Tegel Kunci. Benny Making, kepala prodhuksi ing Pabrik Tegel Kunci njlentrehake, Pabrik Tegel Kunci pisanan madeg ing Jl. KS. Tubun 95, Pathuk, Ngayogyakarta. Dene sing duwe pisanan yaiku Louis Maria Stocker lan Jules Gerrit Commane, loro-lorone warga negara Walanda........sapepake 

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan