Kasiyate tanduran sukun (1)
Diposting oleh : Administrator
Kategori: Kasarasan - Dibaca: 150 kali

Bisa Kanggo Tamba Panu lan Kanker

Wite gedhe dhuwur lan pang-pange nyekakah ngiwa-nengen. Mangkono kahanane wit sukun (Artocarpus altilis). Yen dong mbeneri awoh jan ndhemenake banget. Wohe pating grandhul, ijo gumantung ing pucuk kang kinupeng godhong amba-amba. Miturut warga karang padesan, kanthi anane wit sukun ing sadengah panggonan, ndadekake lemah ing sakiwa tengene tanduran kasebut melu dadi subur. Jarene, oyod wit sukun kuwagang nyimpen cadhangan banyu udan.

Kejaba iku, oyod wit sukun uga nyengkerem lemah kanthi kuwat. Dadi trep banget yen ditandur ing ereng-ereng mesisan gawe nyegah longsor. Kabare, ing Indonesia sisih wetan kaya NTB, NTT, Maluku tekan Ambon woh sukun sawise diolah dadi glepung bisa kanggo pangan alternatif gantine beras. Miturut panaliten, kandhutan karbohidrat tanduran asli Asia Pasifik iki saemper karo beras.

Sukun isih klebu golongane tanduran nangka. Ing tlatah Maluku sisih lor disebut amo, dene ing Hawai disebut ulu.

 

Kanggo tamba

Ing padesan ora mung woh sukun kang dimanfaatake. Wiwit jaman leluhur kita biyen sing jeneng godhong sukun wis dimangerteni kasiyate dening bebrayan. Bisa kanggo ngusadani lelara entheng-enthengan kaya lara kulit (panu) utawa tamba pegel-pegel ing sakojure badan

Lelara panu kang disebabake anane jamur Pytirosporum orbiculare adate seneng nyerang dhadha, gulu utawa geger. Bab iki bisa diusadani nganggo kasiyate godhong sukun.........sapepake

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan