Rahmat Allah iku Murakabi Sakabehing Makhluk (11)
Diposting oleh : Administrator
Kategori: Agama Islam - Dibaca: 77 kali

Para ilmuwan wus ngudi ngidenti-fikasi fungsi (jejibahane) lapisan-lapi-san Langit. Jejibahane lapisan-lapisan Atmosfer Bumi, antara liya mangkene:

(1e). Lapisan tinamtu ing Troposfer, utamane ing mendhung, ana kandhungane listrik positif lan ne­-gatif. Mendhung (mega) utamane nalika bakal dumadi (turun) udan, ndar­beni kandhungan listrik sing gedhe banget, nganti tekan saiki isih dadi pitakonan, sing terus dikaji dening para ilmuwan, supaya bisoa dimanfa’atake energi listrik iku.

(2e). Lapisan ozon ing stratosfer. Uga karan Ozonosfer, sing nyaring radhiasi Ultraviolet, sing dipancarake dening Srengenge. Sebageyan dipantulake balik menyang njaban (luar) Akasa. Dene sebageyan diterusake menyang Bumi.

(3e). Lapisan Mesosfer. Lapisan iki mujudake lapisan Atmosfer sing paling adhem. Temperature nganti tumapak 100 dherajat celcius. Hiya mapan ana ing lapisan iki, sebagean gedhe wewatuan meteorit sing tumiba ana ing lumahing Bumi (Bantala).

(4e). Lapisan Termosfer. Mo-lekul oksigen bakal pecah dadi oksigen otomik. Lha proses pecahe molekul ok-sigen lan gas-gas Atmosfer liyane iku bakal ngasilake panas, sing njalari lu-wih panase suhu ing lapisan iki. Suhu bakal saya panas, krana saya mendhu-wur (meningkatnya ketinggian).

(5e). Lapisan Inosfer. Lapisan iki mantulake balik gelombang elektro­magnetik sing dipancarake saka stasiun radhio, televisi, sinyal telepon, sarta sawernaning jinis gelombang elektromagnetik liyane, saengga berita lan infomasi bisa tumeka papan liya sing nampa, mawa piranti penerima sinyal. Tumuli ngowahi dadi swara utawa gambar utawa kekarone.

(6e). Lapisan Eksosfer. Iki  lapisan njaba Atmosfer. Hiya papan iki partikel-pertikel bisa gerak nganti atusan kilo meter tanpa sesambungan saweneh lan sawenehe.

Kabeh mau lumaku (bergerak) ana ing garis edhare dhewe-dhewe. Lha komposisi lapisan iki, yaiku hidrogen lan helium.

(7e). Lapisan Magnetosfer. Mangerteni jejibahane (fungsi) lapisan Magnetosfer iki bisa dipriksani dha­wuhe Allah, mangkene maksude: “Lan Ingsun kepareng ndamel Langit iku dadi pepayon kang jinaga, nanging wong-wong mau padha mlengos saka tandha yektine, Srengenge, Rembulan lan Lintang-lintang.” (Q.S.Al-Anbiyaa (21):32). Lha lapisan-lapisan hawa (udara) sing ngemuli Bumi (Atmosfer) jinaga lan ditahan dening daya Gravitasi Bumi. Krana pengaruh Gravitasi sing kuwat iku, sing njalari tekanan udara ing lumahiung Bumi dhuwur banget. Saya munggah hawane saya kurang lan tekanane saya endhek (rendah).........sapepake

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan