Rajapati ing Cafe Tahanan Banjarsari
Diposting oleh : Administrator
Kategori: Dredah Masalah - Dibaca: 48 kali

Kasus rajapati klawan kurban Hadryl Choirun Nisa ndadekake sakehing uwong penasaran karo cafe kunjara utawa ana kang nyebut Cafe Tahanan. Sebab, ing warung kopi sing panggonane ing Desa Banjarsari, Cerme, Gresik, iku Nisa -paraban akrabe Hadryl Choirun Nisa- dipateni Shola-huddin Al Ayyubi, sing nduwe kafe kasebut.

Rebo (12/9) kepungkur akeh wong kang padha ngumpul ing Cafe Tahanan kuwi, perlune kepengin nyumurupi apa kang kedaden. Ana uga kang moto bangunan kafe kang wis ditutup iku nganggo handphone. Ing ngarep kafe ana tulisan: ngopi  budaya Gresik, cangkru’an, djagongan, lan saperang tulisan aneh liyane.

Bisa uga merga cedhak Rumah Tahanan (Rutan) Gresik, adohe udakara 200 meter, kafe kasebut digawe nganggo ‘tema’ tahanan utawa kunjara. Saperangan rerenggan diga-we meh padha karo tahanan asline. Ana ruwang tahanan Cipinang ing cedhak nggon kasir. Banjur, plester kafe digambar ring2kes (sketsa) kaya wong lagi mati dipateni lan gambar-bambar sapadha liyane.

Katrangan kang dikumpulake ing la-pangan ngandhakake, kafe iku dibukak bapake Ayyubi nalika taun 2017. Banjur, dipasrahake marang Ayyubi. Kafe klakon rame. Nanging, saya suwe malih sepi. Pungkasane, Ramadan kepungkur kafe iku ditutup Ayyubi. Sebab, ragad operasionale akeh banget. Wiwit saka listrik, banyu engga bayare pegawe.

Sanajan kafe tutup, Ayyubi lan kakangane sok-sok isih manggon ing kono. Ana peturon lan jedhing. Ayyubi mujudake anak nomer loro saka sedu-lur papat. Ing taun 2015 ibune tilar donya. Bapake banjur krama maneh. Amarga kafe tutup, Ayyubi ora duwe kaya. Kanoman 24 taun iku uga kejiret utang. Engga pungkasane Selasa be-ngi (10/9) Ayyubi nekat mateni lan ngrampas mas-masan sarta hand-phone kang rencanane kanggo nyaur utang.

Nanging, ana katrangan liya, Ayyubi tega mateni Nisa merga lara ati........sapepake 

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan