Wajan vs Solder
Diposting oleh : Administrator
Kategori: Roman Remaja - Dibaca: 36 kali

Pedhal sepedhah mini dipancal alon - alonan. Mecaki dalan tanjung kang lumayan rame ing wayah sore. Kahanan weteng luwe ditambah sumelete srengenge nyurung Sukma enggal tekan ngomah. Rok meksi sadhuwure polok werna krem ora dadi pepalang anggone numpak sepedha. Ambegane isih ajeg teratur kamangka kringete wis drodosan nelesi geger uga mili ing pilingan.

Dalan tanjung arahe mung lurus wae, nanging dipisahake dening protelon lan prapatan cacah telu. Mala kudu sabar ngenteni yen kepalang lampu abang, kamangka totale ana papat. Sawise bangjo sepisanan ganti lan byar lampu ijo, Sukma agahan mancal sepedhahe meneh. Nanging tanpa dikawruhi sangkan – sangkane ujug - ujug ana sing mbengoki dheweke. Bocah lanang numpak sepedhah polygon ireng banjur menthungul nyusul saka mburi.

“Suk..Sukma... kowe saiki nerusne ing SMK 1 ta?”

Sing diceluk noleh sedhela ngematake pawongan kuwi wiwit saka rupa uga sragam panganggone.  Sukma ngerem nyuda playune sepedhahe. Lamat-lamat dheweke eling pawongan iku Rio, kanca SMP biyen. Senajan ora tau sakelas, nanging Sukma sing watake grapyak lan semanak gampang dikenal lan akrab karo wong liya.

“Rio...iya. Aku saiki SMK 1,” sumaure Sukma karo mesem.

“Wah hebat kowe Suk.. njupuk jurusan apa?” krungu kandhane Rio, Sukma malah nggumun. Adate yen pawongan sing aweh pitakon padha banjur diwangsuli langsung njedhir, maido, ngenyek, lan sisane padha ngguyu ngece. Embuh merga apa, cah wedok sekolah ing SMK dianggep nglanangi utawa aneh mbokmenawa. Lha iki kok beda, gawe sumelange Sukma sakala sirna......sapepake 

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan