Kuliner lan Andrawina (1)
Diposting oleh : Administrator
Kategori: Anyar Katon - Dibaca: 53 kali

Wong Jawa jebul seneng luru rasa ngupadi kenikmatan boga. Yen tetem­bu­ngan ‘kuliner’ lagi populer jaman saiki, satemene wong Jawa wis duwe maneka warna istilah kang gegayutan karo kuliner, jajanan, pesta, sapiturute. Filsafat kang sesambungan karo pangan uga tinemu ing piwulang Jawa. Ing ngisor iki bakal di­aturake maneka warna tetembungan kang sesambungan karo kuliner, jajanan, pesta andrawina lan filsafat kang se­sam­bungan karo pangan tumrape wong Jawa.

Mogel Ilate saweneh bocah cilik dolan ana omahe simbah, ing daleme simbah bocah mau disuguhi sega lawuhe mung sayur lodheh, sambel, lan tempe goreng. Bocah mau sajak klewa-klewa, ora do­yan suguhan sing disedhiyakake dening simbah. Liya wektu bocah mau dolan ma­neh ana papane simbah, nanging wektu iku simbahe ngerti lamun putune iku ora doyan sega sing mung dilawuhi tempe utawa gerih goreng, mula simbah mau banjur nyembelih pitik. Iwak pitike banjur diolah dadi opor ayam, nalika disu­guhi sega lawuh opor ayam kuwi, bocah mau mangan kanthi semangat. Simbahe lagi ngerti yen putune kuwi pancen mogel ilate.

Tembung ‘mogel ilate’ tegese seneng mangan sing enak. Jaman biyen mangan enak klebu barang langka, kepengin mangan lawuh iwak pitik mung kelakon sepisan utawa kaping pindho setaun nge­pasi slametan ruwahan utawa bada idul fitri. Yen tangga ngadani kedhuri lagi entuk bageyan iwak pitik. Mula iwak pitik sing diingkung rasane enak banget. Ngra­sakake iwak sapi mung yen ana tangga utawa sedulure sing duwe gawe. Adate iwak sapi dipotong cilik-cilik nganti saklentheng-klentheng ukurane diolah bumbu becek. Bocah-bocah jaman biyen arang mogal ilate, akeh-akehe mung dadi bocah nrima nampa kahanan mula mangan iya mung cukup kanggo nyam­bung urip.

Bocah jaman saiki meh kabeh mogel ilate, mangan iwak pitik meh saben dina kelakon, mula menu fried chicken lan ola­han iwak pitik liyane wis dadi menu ha­rian. Amarga asring mangan iwak pitik kuwi, selera mangan daging ayam ras ilang. Disedhiyani lawuh ayam ras digo­reng lan diopor wae sajak klewa-klewa. Wong tuwa padha gedheg-gedheg mban­dhingake kang dialami jaman cilikane karo jaman saiki wis adoh banget kahanane.........sapepake

Berita Terkait

img

Samak Minggu Ini

img

img

Sumber Semangat

Yen kabeh kang kita karepake kudu kita DUWENI, saka ngendi kita ajar IKHLAS.

Klik

ADU DARA

Sawijining petugas lagi naliti dara pos ing Kandhang Nasional Ra¬jamandala, Jl. Mandalawangi, Cipatat, Bandung Barat. Ana 706 manuk dara padha dipasangi cip kanggo persiapan melu Lomba One Loft Race kanthi total jarak 1.750 km. Lomba adu dara iki dibagi jroning 6 tahap kanthi jarak paling adoh 450 km saka Kandhang Nasional Rajamandala mau. Sing dibiji bantere dara nalika tekan dhisik ing kandang kanthi ndeleng sistem radio frekuensi kang dipasang ing cip ing sikile dara mau. (d/ist)***

Pethilan

Partai sarujuk pimpinan MPR ditambah

Dundum kursi ora ana mandhege

Ancaman pidana marang masyarakat ningkat

Sawise suwarane dijupuk saiki rak­yat diancam

Ancaman pidana marang masyarakat ningkat

Sawise suwarane dijupuk saiki rak­yat diancam