Petis Mambu
Diposting oleh : Administrator
Kategori: Apa Tumon - Dibaca: 152 kali

Petis Mambu

 

Penggaweyan ngenteni iku pancen mboseni. Ning merga sing ngenteni iki wong akeh, mula rada ora nemen-nemen bose­ne. Nalika ngenteni pengumuman kelulus­an sekolah guru biyen, rasaku  ndredheg, nratab, kudu pipis, nyang mburi, mlaku-mlaku, wis pokoke ora jenak.

Nedheng-nedhenge bocah sake­las sirep, lha kok dumadakan kancaku sing jenenge C nangis gero-gero. Dieneng-eneng ora kena, nganti  amplop pengumuman kelulusan didum de­ning guru. Bocah siji nampa amplop siji. C ya nampa, terus dibu­kak. Sakala aku diambungi karo ngguya-ngguyu.

“Yu, aku lulus, takkira nek ora lulus. Mulane aku mau nangis gero-gero merga wis ora nduwe pengarep-arep lulus.”

 “Petis mambu, bar nangis ngguya-ngguyu,” wangsulanku.

Apa tumon, durung weruh asile  nangise didhisikake.

Umi Harini-Bandar, Jombang

 



Oleh Brekat

 

Pengalamane iki wis kedadeyan nalika aku isih kuliyah ing IAIN Sunan Kalijaga Yogyakarta. Nalika semana aku kos ing dhaerah Sapen, olehsamburine perumahan dhosen. Sing takkosi omah kampung prasaja, kagungane piyayi saka Wates sing wis suwe pindhah menyang Banyuwangi. Sing ngrumat adhine lanang, asmane Pak Imam. Putrane kang kagungan dalem, asmane Mas Burhan, uga isih kuliyah ing IAIN. Kebene­ran omah sing dakkosi kuwi gandheng tritis karo daleme salah sajine karyawan IAIN  kang uga minangka rais utawa kaum ing wilayah iku, asmane Pak Legiman.......sapepake

Berita Terkait

img

Samak Minggu Ini

img

img

Sumber Semangat

Yen kabeh kang kita karepake kudu kita DUWENI, saka ngendi kita ajar IKHLAS.

Klik

ADU DARA

Sawijining petugas lagi naliti dara pos ing Kandhang Nasional Ra¬jamandala, Jl. Mandalawangi, Cipatat, Bandung Barat. Ana 706 manuk dara padha dipasangi cip kanggo persiapan melu Lomba One Loft Race kanthi total jarak 1.750 km. Lomba adu dara iki dibagi jroning 6 tahap kanthi jarak paling adoh 450 km saka Kandhang Nasional Rajamandala mau. Sing dibiji bantere dara nalika tekan dhisik ing kandang kanthi ndeleng sistem radio frekuensi kang dipasang ing cip ing sikile dara mau. (d/ist)***

Pethilan

Partai sarujuk pimpinan MPR ditambah

Dundum kursi ora ana mandhege

Ancaman pidana marang masyarakat ningkat

Sawise suwarane dijupuk saiki rak­yat diancam

Ancaman pidana marang masyarakat ningkat

Sawise suwarane dijupuk saiki rak­yat diancam