Mrawasa bocah 12, M. Aris Bakal Enggal Dikebiri
Diposting oleh : Administrator
Kategori: Dredah Masalah - Dibaca: 130 kali

Priya kang mrawasa lan nindakake pelecehan seksual marang bocah-bocah sajake pancen kudu diukum sing abot. Apa maneh yen kurbane luwih saka bocah siji. Keadilan iku kang dituduhake para hakim Pengadilan Tinggi (PT) Jawa Timur ing kasus kang njiret M.Aris.

Permohonan bandhing kang dijokake priya bejat pikirane iku ditulak PT. Warga Mengelo, Sooko, Kabupaten Mojokerto, kang ditangkep merga mrawasa sethithike bocah 12 kasebut tetep kudu nindakake ukuman kunjara suwene 12 taun lan dhendha Rp 100 yuta. Dheweke uga tetep diukum kebiri sacara kimia. Ukuman kang disebutake pungkasan iku ndadekake Aris wis ora bakal bisa ‘ngadeg’ maneh salawase urip. Ukuman kebiri kasebut dadi kang sepisanan ing Indonesia wiwit terbite Perppu 1/2016 ngenani Perubahan Kedua UU 23/2002 ngenani Perlindungan Anak.

Kejaksaan Negeri Kabupaten Mo­jokerto ngandhakake engga nerusake putusan PT kasebut. Eksekusi arupa kebiri kimia bakal ditindakake tim dokter.

Kajari Kabupaten Mojokerto Rudy Hartono nerangake, rencana eksekusi lagi dimatengake jaksa eksekutor. “Aku wis mrentahake jaksa eksekutor supaya enggal golek dokter,” kandhane Rudy, mentas iki. Dheweke nambah­ake, kasus iku wis dinyatakake inkracht jalaran kapidana ora ngajokake kasasi menyang Mahkamah Agung (MA). “Putusan PT pas 8 Agustus kepungkur,” tandhese Rudy.

Jaksa Penuntut Umum (JPU), Syarif Simatupang nambahake, pihake wis nganakake sesambungan karo sa­kehing dokter spesialis. Pihake bakal ngajokake surat menyang Ikatan Dok-ter Indonesia (IDI). IDI-lah sing bakal nemtokake dokter spesialis kanggo nindakake putusan pengadilan kasebut.

Sawatara iku, Handoyo,kuasa hukume Aris ngandhakake yen pihake durung nampa salinan putusan PT ka-sebut. Sebab, upaya hukum menyang pengadilan tinggi ditindakake keluwar-gane Aris. “Mula saka iku, nganti saiki, aku durung weruh,” jlentrehe. Ewasa-mono, dheweke ngritik ukuman kebiri. Manut kandhane, ukuman kebiri abot banget jalaran kudu ditanggung Aris salawase urip. “Manut aku, wis cukup ukuman badan wae. Iku wis abot banget,” tandhese. Ukuman kebiri, manut Handoyo, ora manusiawi. “Apamaneh, klienku iku kurang normal. Ana kang beda. Kaya wong lagi nglakoni,” kandhane........sapepake

 


Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan