Kejari Surakarta Ketangkep KPK
Diposting oleh : Administrator
Kategori: Dredah Masalah - Dibaca: 306 kali

Kejaksaan Agung (Kejagung) liwat Jaksa Agung Muda (JAM) Pengawasan Muhammad Yusni lan JAM Intelijen Jan S Maringka ngeterake jaksa Kejaksaan Negeri Surakarta, Satriawan Sulaksono (SSL), menyang Gedhong Komisi Pemberantasan Korupsi (KPK) ing Jakarta, Rebo (21/8).

Satriawan Sulaksono dadi buron KPK sawise ucul saka operasi tangkap tangan (OTT) gegayutan perkara beselen (suap) lelang proyek ing Dinas Pekerjaan Umum, Perumahan dan Kawasan Permukiman (PUPKP) Kota Yogyakarta, Senin (19/8).

Yusni ngandhakake penyerahan Satriawan iki minangka bukti korps kejaksaan kepengin mbrastha korupsi. Dheweke kandha pihake nindakake papriksan marang Satriawan sadurunge dianakake penyerahan marang KPK jalaran ngenteni surat penangkapan saka KPK.

“Aku kabeh bareng karo Jamintel teka mrene (gedhong KPK, Red) niyate masrahake sedulur SSL, kang wis dakanakake papriksan pengawasan,” ujare Yusni ing Gedhong KPK.

Dheweke nambahake, Satriawan Sulaksono isih bakal nampa pengasilan 50% saka bayaran pokok sanajan kalungguhane minangka tersangka lan tahanan.

Nglereni permanen nembe bisa dileksanakake yen ana putusan pengadilan mawa kekuwatan hukum tetap utawa inkracht. Bab iku diatur ing Peraturan Pemerintah Nomer 20 Taun 2008.

Juru wicara KPK Febri Diansyah ngandhakake, pihak Kejagung ngeterake Satriawan menyang Gedhong KPK jam 12.40 WIB.

Jaksa Satriawan kang ucul saka OTT Senin kepungkur, wis ditetepake minangka tersangka. “Ing perkara beselan gegayutan karo proyek ing Jogja kasebut, ana jaksa loro kang dadi tersangka, wong siji wis diamanake ing wayah ana operasi tangkap tangan, jenenge yaiku Jaksa ESF lan salah sawijining wong maneh yaiku Jaksa SSL, sing nembe diterake dening Kejaksaan Agung,” ujare Febri.

Satriawan langsung dipriksa penyidik KPK sawise dipasrahake pihak Kejagung. Penahanan Satriawan bakal ditindakake sawise pemeriksaan kasebut. Nalika Senin, tim KPK ngamanake wong lima ing OTT ing Surakarta lan Yogyakarta.

Ing antarane wong lima mau yaiku jaksa Kejari Yogyakarta, Eka Safitra, Direktur Utama PT Manira Arta Mandiri (MAM), Gabriella Yuan Ana lan andhahane. Direktur PT MAM Novi Hartono. Sabanjure, Kepala Bidang Sumber Daya Air Dinas PUPKP Yogyakarta, Aki Lukman Nor Hakim lan anggota Badan Layanan Pengadaan dalasan anggota Pokja Lelang Pengadaan Rehabilitasi Saluran Air Hujan, Jalan Supomo Yogyakarta, Baskoro Aribowo.

Direktur PT MAM Novi Hartono ditangkep petugas KPK bubar masrahake dhuwit Rp 110 yuta karo jaksa Kejari Yogyakarta, Eka Safitra ing omahe Eka Safitra, Jebres Surakarta. Dhuwit iku dinuga bageyan saka commitment fee kang dijaluk jaksa Eka Safitra merga saka anggone mbiyantu perusahaan Gabriella menangake lelang pekerjaan rehabilitasi saluran banyu udan ing Dinas PUPKP Kota Yogyakarta.

Eka Safitra dinuga nampa dhuwit fee kehe Rp 221,7 yuta saka Gabriella kanthi cara mbaka sethithik. Dhuwit iku mujudake limang persen commitment fee kang disarujuki saka ajine pagu anggaran proyek pekerjaan rehabilitasi kalen banyu udan gedhene Rp 10,89 milyar.

Bubar ditangkep lan ditetepake minangka tersangka, Eka Safitra lan Gabriella Yuan Ana ditahan dening KPK nalika dina Selasa (20/8) bengi. Eka Safitra ditahan ing Rutan Cabang KPK C1, Kuningan, Jakarta. Dene Gabriella ditahan ing Rutan Cabang KPK K4.

 

Beselan lelang

Kawiwiti nalika Dinas PUPKP Kota Yogyakarta nganakake lelang pekerjaan rehabilitasi kalen banyu udan ing Jalan Supomo klawan pagu anggaran kehe Rp 10,89 milyar. Proyek infrastruktur iki dikawal dening Tim Pengawalan, Pengamanan, Pemerintahan dan Pembangunan Pusat Daerah (TP4D) saka Kejaksaan Negeri Yogyakarta. Salah sijine anggota Tim TP4D iki yaiku Eka Safitra.

Saka wiwitan, Eka Safitra bareng karo Gabriella lan Satriawan Sulaksono nindakake perencanaan supaya PT MAM bisa dimenangake ing lelang pekerjaan rehabilitasi kalen banyu udan ing Dinas PUPKP Kota Yogyakarta......sapepake


Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan