Jaminan Ekstra saka Kapulisen ing Pertandhingan PSM Vs Persija
Diposting oleh : Administrator
Kategori: Anyar Katon - Dibaca: 47 kali

Polrestabes Makassar bakal aweh pengamanan ekstra ing pertandhingan ‘tunda’ antarane PSM Makassar lawan Persija Jakarta. Jalur tekane lan mulihe kekarone tim bakal disterilake.

Leg kaloro final Piala Indonesia antarane PSM lan Persi­ja iki bakal digelar tanggal 6 Agustus mengko ing Stadion Andi Mattalatta. Pertandhingan iku mujudake pertandhi­ngan tundha kang kudune dianakake 28 Juli kepungkur.

Ngadhepi pertandhingan iku, Polrestabes Makassar wis nggelar rapat internal klawan sakabehing Polsek lan mitra­ne dina Selasa wingi (6/8/2019). Bab keamanan dadi agen­da utama.

Ya, kapulisen nduweni tugas gedhe kanggo ngawekani anane kedadeyan maneh bis kang ditumpangi pasukan Persija disawati nganti pecah kacane dening oknum supor­ter PSM. Akibate, pertandhingan banjur ditunda. Kapolres­tabes Makassar, Kombes Wahyu Dwi Ariwibowo, yakin ma­syarakat Makassar bakal dadi tuan rumah kang becik lan bisa njaga pertandhingan lumaku kanthi tertib.

“Pola pengamanane ing kene kita tingkatake apa kuwi ing ring 1, ring 2, ring 3 apadene jalur budhal mulih,” ujare Wahyu marang pewarta, rebo (31/7/2019).

“Kita yakin masyarakat Makassar minangka sutresna bal-balan bakal ngajeni tamu kang teka menyang Makassar, kita yakin masyarakat bisa njaga Makassar, merga Makas­sar duweke warga Makassar, ayo dijaga bareng. Kita tan­dhesake marang khalayak umum, masyarakat njaba, Ma­kas­sar kuwi ora kaya kang dikandhakake wong njaba, na­nging masyarakat kutha santun kang ngajeni lan njaga kea­manan sarta ketertiban,” bacute Wahyu.


Persija: Ora Ana Memungsuhan The Jakmania karo The Macz Man


Sauntara kuwi Persija Jakarta ngajab The Jakmania bisa nyekseni langsung leg kalorone final Piala Indonesia 2019 iki. Sebab The Jak duwe sesambungan apik karo suporter PSM Makassar.

Pertandhingan PSM versus Persija kang satemene dige­lar ing Stadion Mattoangin, Makassar, Minggu kepungkur (28/7/2019), nanging banjur ditundha PSSI merga alasan keamanan, yakuwi sawise ana intimidasi menyang Persija saka oknum suporter. Nundha pertandhingan iki ngemu akibat marang sesam­bungan suporter, antarane The Jak­mania lan The Macz Man kang melu panas ing media sosial.

Gegandhengan bab iku, CEO Persija, Ferry Paulus, nan­dhesake yen sesambungan kekarone suporter iki satemene ora tau ana masalah. Kedadeyan kang dialami Persija sasu­wene ing Makassar diyakini mung ditindakake dening ok­num kang ora tanggungjawab.

“Satemene ora ana memungsuhan rivalitas antarane The Jakmania lan Macz Man (pendukung PSM Makassar). Malahan The Macz Man nampung The Jak Mania ngaso ing omahe sasuwene ing Makassar wingi, sesambungan kekarone suporter iki becik banget ing sanjabane lapangan” ujare Ferry marang wartawan ing Kantor Persija, Jakarta, Selasa (30/7/2019).

Senajan mangkono, Ferry ngaku ora bisa aweh kepu­tusan The Jakmania oleh teka menyang Makassar apa ora. Sebab, Persija nunggu rekomendasi saka kapulisen Makas­sar. “Khusus kanggo pertandhingan sesuk, tak balekake menyang pihak kapulisen. Yen pulisi ngajab The Jakmania ora teka dhimen alasan keamanan, sajake The Jakmania kudu gelem nampa” mangkono Ferry. (d/ist)***

 

Berita Terkait

img

Samak Minggu Ini

img

img

Sumber Semangat

Minterna wong bener kuwi luwih gampang katimbang mbenerake wong pinter. Nanging mbenerake wong pinter kuwi mbutuhake beninge ati lan jembare dhadha ...

Klik

SUMUR RAHASIA ING PORTUGAL

Bangunan kang kaya sumur iki arane Quinta da Regaleira, yakuwi sawijining taman kang dumunung ing kutha Sintra, Portugal. Taman iki dumadi saka istana lan kapel, sarta pekarangan kang ana tlagane, guwa, sumur, air mancur, lan lurung kanthi konstruksi kang endah. Nanging perangan paling endah saka taman iki ya kuwi Sumur Inisiasi. Sumur iki cukup jeru lan nduweni undhag-undhagan spiral amrih bisa tekan panggonan ngisor dhewe. Ujare ngakeh, ndhisike sumur iki minangka papan ritual masonis. (d/ist)***

Pethilan

Listrik mati nganti dina senen

Kari njaluk ngapura…

Blackout, PLN bakal menehi kompensasi marang langganane kang rugi.

Muga-muga janji iki ora ujug-ujug peteng maneh.

Listrik mati total ing ibukota lan sawenehing kutha.

Peteng, sing katon mung ‘wedhus ireng’.