Pemprov Jatim Nampa Penghargaan Peserta UNPSA saka MenPAN RB
Diposting oleh : Administrator
Kategori: Anyar Katon - Dibaca: 111 kali

Patang inovasi pelayanan publik kang dikembangake Pemprov Jatim kasil lolos minangka pasarta United Nations of Public Service Awards (UNPSA) Tahun 2019. UNPSA iku mujudake kompetisi pelayanan publik tingkat internasional kang dianakake dening Perserikatan Bangsa-Bangsa (PBB) saben taun. Atas prestasi ini, Gubernur Jawa Timur Khofifah Indar Parawansa nampa penghargaan minangka pasarta UNPSA 2019.

Pengaji-aji kasebut kaparingake langsung dening Menteri Pendayagunaan Aparatur Negara dan Reformasi Birokrasi (MenPAN RB) Syafruddin saat acara Penganugerahan Penghargaan Top 99 Inovasi Pelayanan Publik Tahun 2019 ing Hotel Gumaya Tower Semarang, Jawa Tengah, Kemis (18/7) bengi.

Kapapate inovasi kasebut yaiku  Jalin Matra, Ayo Kerja, simPADU-PMI, sarta Underwater Restocking. Inovasi Jalan Lain Menuju Mandiri dan Sejahtera Penanggulangan Feminisasi Kemiskinan (Jalin Matra PFK) mujudake inovasi saka Dinas Pemberdayaan Masyarakat dan Desa (DPMD) Provinsi Jatim. Inovasi iki ditindakake minangka  intervensi marang akehe wong wadon kanthi tingkat kesejahteraan 10% paling asor merga pegatan, bojo mati, utawa duwe bojo difabel/cacat saengga ora bisa nindakake aktivitas produktif lan urip sengsara.

Program Jalin Matra PFK iki tujuane aweh akses interaksi lan pangayoman marang Kepala Rumah Tangga Perempuan (KRTP) lumantar  optimalisasi peran 5.824 Kader TP-PKK minangka mother care tumrap KRTP, njembarake akses KRTP sasaran marang usaha produktif kanggo peningkatan aset usaha utawa pendapatan keluarga, mbiyantu njurung ketahanan sosial ekonomi KRTP, sarta njurung motivasi usaha (need for achievement) lan kabisan  (life skill) KRTP jroning rerangken  ngundhakake kesejahteraanne.

Sabanjure, inovasi Underwater Restocking mujudake inovasi saka  Dinas Kelautan dan Perikanan Provinsi Jatim kang tujuwane kanggo ngundhakake sumber daya iwak sing pungkasan iki terus suda. Inovasi kang ditindakake ing wilayah perairan Jatim iki ditindakake kanggo mulihake mata rantai ekosistem lumantar nyebar winih iwak ing dhasar segara kanthi cara nyilem lan nyebar winih iwak langsung menyang area omah iwak  ing jero watara 10 nganti 15 meter. Kanthi langkah iki, iwak iwak kang disebar bisa langsung oleh asupan panganan dan bisa umpetan saka anane iwak sing nedya mangsa. 

Titi wanci iki program Underwater Restocking lagi ditindakake maneh ing sawetara wilayah perairan ing antarane ana Banyuwangi, Probolinggo, Situbondo, Malang, Trenggalek, Tulungagung, Blitar, Sumenep, dan Pamekasan. Lumantar kegiatan iki diajap bisa ngundhakake sumadyane stock sumber daya iwak lan nyuda risiko kematian winih iwak, saenga bisa ana undhak undhakan produktivitas asil tangkepan iwak nelayan.

Wiwit ditindakake Underwater Restocking, asil tangkepan iwak luwih gedhe lan nduweni nilai ekonomi dhuwur tinimbang sadurunge. Ora mung kuwi, uga akeh ditemokake jenis iwak sing beda saka biasane saengga bisa dadi  destinasi wisata anyar kaya  nyilem (diving) kang disengi  wisatawan nusantara utawa wisatawan manca.

Sauntara kuwi, inovasi Ayo Kerja dan SimPADU-PMI mujudake inovasi saka Dinas Tenaga Kerja dan Trans-migrasi (Disnakertrans) Provinsi Jatim. Inovasi ‘Ayo Kerja’ iki aweh layanan informasi, bimbingan konseling lan penempatan kerja kang dipadu karo pengembangan petugas fungsional pengantar kerja karo layanan mawa basis teknologi informasi. Tinemu ana maneka layanan ing ‘Ayo Kerja’ kayata bursa kerja online, konsultasi karir online, job matching, lan bursa kerja wulanan (mini job fair). Asile, ana undhak-undhakan jumlah lowongan kerja, informasi kerja luwih efisien, gampang diakses kanthi  jangkauan kang luwih jembar.

Dene inovasi simPADU-PMI (Sarana Informasi dan Pelayanan Terpadu Pekerja Migran Indonesia) mujudake layanan kang isine sarana informasi, konsultasi lan pengaduan kang kagamblokake karo layanan pelatihan/sertifikasi sarta Layanan Terpadu Satu Atap (LTSA) pekerja migran Indonesia. Inovasi ini dikembangake adhedhasar kondisi layanan penempatan lan pangayoman pekerja migran sasuwene iki. Sasuwene iki image kerja menyang luar negeri rumit lan birokratis, larang, sarta kurange pemahaman alur kerja kang aman lan prosedural isih dadi kendala para TKI asal Jatim ing luar negeri. Bab iki uga kang nyebabake sebagian masyarakat Jatim milih alasan jalur kerja minangka Pekerja Migran Non Prosedural utawa migunakake calo.

Program simPADU-PMI iki diajap kaconggah ngurangi winatese akses informasi kerja menyang luar negeri, mbiyantu anane kepastian alur, wektu dan transparansi biaya layanan doku-men lumantar i sarana Layanan Terpa-du Satu Atap (LTSA). Uga minangka upaya nguwatake pekerja migran Indonesia kang purna tugas kanggo ngemonah remitansi lan kegiyatan ekonomi kanthi produktif  lumantar program Pro Empowerment. (Arief/Art)

Berita Terkait

img

Samak Minggu Ini

img

img

Sumber Semangat

Minterna wong bener kuwi luwih gampang katimbang mbenerake wong pinter. Nanging mbenerake wong pinter kuwi mbutuhake beninge ati lan jembare dhadha ...

Klik

SUMUR RAHASIA ING PORTUGAL

Bangunan kang kaya sumur iki arane Quinta da Regaleira, yakuwi sawijining taman kang dumunung ing kutha Sintra, Portugal. Taman iki dumadi saka istana lan kapel, sarta pekarangan kang ana tlagane, guwa, sumur, air mancur, lan lurung kanthi konstruksi kang endah. Nanging perangan paling endah saka taman iki ya kuwi Sumur Inisiasi. Sumur iki cukup jeru lan nduweni undhag-undhagan spiral amrih bisa tekan panggonan ngisor dhewe. Ujare ngakeh, ndhisike sumur iki minangka papan ritual masonis. (d/ist)***

Pethilan

Listrik mati nganti dina senen

Kari njaluk ngapura…

Blackout, PLN bakal menehi kompensasi marang langganane kang rugi.

Muga-muga janji iki ora ujug-ujug peteng maneh.

Listrik mati total ing ibukota lan sawenehing kutha.

Peteng, sing katon mung ‘wedhus ireng’.