Sandy Canester Ngetokake Karya Anyar Maneh
Diposting oleh : Administrator
Kategori: Tetepungan Remaja - Dibaca: 158 kali

Solois Sandy Canester durung suwe iki ngetokake single anyar maneh kanthi judhul “Jangan Sepi”. Lagu iki dinyanyekake nalika tampil ing panggung utama Pekan Rayakan Jakarta ing JIEXPO Kemayoran Jakarta tanggal 25 Juni 2019 kepungkur.

Ing ndhuwur panggung kang ditekani ewonan uwong iku, kanggo kang pisanan Sandy ngenalake lagu anyare kang mawa judhul “Jangan Sepi”.

Lagu “Jangan Sepi” diciptakake dening Pay lan Dewiq. Lagu iki nyritakake bab rasa gela marang pasangane. Senajan diciptakake wong liya, Sandy tetep nduweni sesambungan karo karya-karyane sing ndhisik.

“Ing lagu-laguku, aku mung pengin nandhesake maneh yen Sandy Canester mujudake solois kang nyekel gitar akustik kanthi lagu-lagune kang simpel lan gampang dielingi sarta jargon kang ana ing saben ukarane” ujare Sandy Canester jroning katrangan tinulise.

Saliyane nyanyekake lagune sing anyar, Sandy uga melu nyanyekake lagu-lagu andel-andele sing terkenal kaya upamane Cemburu, Sabtu Minggu, Be My Lady lan Telepon Aku. Lagu kang tau ditulis kanggo musisi liya kaya Cinta Putih (Kerispatih) lan Kucinta Kau Apa Adanya (Once) uga ora lali dinyanyekake.

“Seneng banget bisa ngramekake event kang cukup gedhe bengi iki, event kang nekakake maneka genre, maneka musisi lan lagu. Seneng uga bisa ngelipur penonton supaya ‘Aja Sepi’.

Muga-muga momen iki, sekaligus lagu iki bisa dadi pambuka maneh kanggo lagu-laguku sabanjure” jlentrehe Sandy.

Lagu kang dirilis lumantar Aquarius Musikindo iki saikine wis sumadya lan bisa dinikmati ing sawenehing platform musik digital.

Sumangga. (d/ist)***

 

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan