Kulit manggis; Kasiyate Ngedab-edabi Banget
Diposting oleh : Administrator
Kategori: Anyar Katon - Dibaca: 143 kali

Ana sawatara panemu kang ngandhakake yen woh duren mujudake rajane woh-wohan ing daerah tropis. Dene woh manggis mujudake ratune. Kekarone nduweni pandhemen dhewe-dhewe uwal saka plus-minuse marang kasarasan. Ana sing kandha jarene sing nduweni riwayat lelara dharah tinggi kudu bisa matesi yen dhahar “buah surga’ kasebut. Jare yen dhahare kliwat wates bisa nuwuhake lelara stroke. Kosokbaline, jare yen kakehan dhahar woh Garcinia mangostana yen bebucal bisa wujud getih.

Miturut sawe-nehing panaliten ing daging woh manggis tinemu kandhutan serat, karbohidrat, vit.A, B2, B6, C, Zat besi, kalium, kalsium lan xanthone. Dene kulit manggis kang perangan njero nduweni kasiyat antioksidan, anti bakteri, anti fung-si, anti alergi, anti tumor, anti hista-min, lan anti infla-masi.

Nitik kagunane kang ngedab-edabi kasebut ora karan aneh yen negara Thailand migunakake kulit manggis kanggo ngusadani infeksi kulit, tatu anyar lan diare. Ing Filipina kulit manggis digunakake minangka obat penurun panas, disentri lan gangguwan wulanan (nggarapsari). Negara Karibia lan Amerika Latin ngolah kulit manggis dadi teh kadidene pembangkit stamina. Ing negara Brazil kulit manggis diolah dadi obat kanggo ngawekani pencernakan. Ing negara Venezuela kulit manggis kanggo obat infeksi akibat parasit. Iang negara India kulit manggis diproses dadi tepung kanggo tamba disentri lan mag.

Negara Australia uga ora gelem kalah. Kulit manggis di-olah dadi suplemen inuman. Malah kabare kang pungkasan negara kanguru iki nembe ngembangake perkebunan mang-gis monokultur kanggo nyukupi kabutuhan woh seger kase-but. Lan ing negara Malaysia kulit manggis diekstrak terus diolah didadekake suplemen kanggo ngusadani lara getih kenthel kayadene lelara jantung, stroke lan dharah tinggi.

 

Lelara abot

Ing kapustakan disebutake manawa Xanthone kang tinemu ing kulit woh manggisnduweni sipat antioksidan, antibakteri, antitumor, antihistamin lan antiinflamasi. Antioksidan mbiyantu mbrastha radikal bebas, nyegah penuaan, ningkatake sistem kekebalan tunuh (antibodi), lan ngontrol lelara degeneratif kaya arthritis, kadidene terapi kanggo lelara hipertensi, lelara jantung iskemik, lan uga penyumbatan pembuluh darah.

Bukti-bukti ilmiah kasebut kang magepokan karo pigunane Xanthone kang tinemu ing kulit manggis kanggo ngusadani lelara kang klebu abot kayadene lelara jantung, kanker, kencing manis lan HIV/AIDS mbuktekake yen sakiwa tengen kita wis sumadiya sekabehane. Kari tekad kita kepriye carane manfaatake kulit manggis kanggo nggayuh urip sehat.

 

Ing padesan

Kasiyat kulit manggis wis suwe dimangerteni ing kalangane sedulur padesan. Kanthi wawasan kang prasaja, kulit manggis kasebut nembe kanggo tamba lelara entheng-enthengan. Upamane kanggo ngusadani lara disentri utawa bebucal getih.

Carane, manggis 2 iji, sawise disigar kulit perangan njaba dionceki lan diiris gedhe-gedhe. Irisan kulit manggis nuli digadhog nganti umob nganggo banyu 4 gelas. Sawise kari 2 gelas banjur disaring lan diunjuk kaping pindho esuk lan sore. Bisa ditambahi madu sasendhok makan. Biyasane durung nganti 3 dina wis saras.

Kasiyate kulit manggis uga bisa kanggo tamba sari-awan. Carane, manggis 2 iji disigar lan dionceki, kulit njabane sing kasar dibuwang. Sawise dirajang cilik-cilik nuli digodhog nganggo banyu 3 gelas. Sawise umob lan kari 1 ½ gelas banjur disaring. Racikan iki sing ½ gelas kanggo kemu wayah esuk, lan sing ½ gelas maneh kanggo kemu watah sore. Turahane sing ½ gelas bisa diunjuk kaping pindho @ ¼ gelas esuk sore. Yen sariawane durung tuntas bisa dibaleni gawe racikan maneh kanthi takeran kang padha. Nuwun (Syt)

Berita Terkait

img

Samak Minggu Ini

img

img

Sumber Semangat

Nalika kowe anyel lan rumangsa gela, mula dina iku satemene kowe lagi ajar bab katumemenan.

Klik

DIGITALISASI WAYANG

Jroning upaya nylametake barang sejarah kayadene wayang, Keraton Yogyakarta wiwit 2019 iki nindakake digitalisasi jroning wujud foto. Kanthi anane wayang digital mula bakal nggampangake masyarakat ndeleng kanthi detail lan rinci Wayang Keraton iki. Dinane iki pihak Keraton Yogyakarta wis kasil nindakake digitalisasi rong kothak wayang kulit saka 14 kothak kang ana. Pancen rada rendhet, merga sak kothak wae bisa ngentekake wektu sasen-sasen, amarga jroning sak kothak kuwi ana atusan wayang kang kudu didigatalisasi siji mbaka siji kanthi detail banget. Asile bisa dideleng ing website kraton jogja.id (d/ist)

Pethilan

Dhuwit ijolan korupsi Rp 477.359 milyar ditampa

Yen dietung siji-siji pirang dina ya kuwi?

Sing nindkake teror nganggo air keras kawiyak

Bisa dikon cuci tangan dhisik kuwi…

Mlebu BUMN, Ahok diajab mundur saka partai

Sing durung-durung wis nulak Ahok, mundur wae saka BUMN