Gubernur Khofifah : Halal Bihalal Momentum Pas Kanggo Ngenalake Nawa Bhakti Satya
Diposting oleh : Administrator
Kategori: Laporan - Dibaca: 124 kali

Kegiatan halal bihalal mesisan sila­turahim ing rerangken Idul Fitri 1440 H mujudake momentum kang pas kang­go ngenalake  Nawa Bhakti Satya. Pengena­lan lan penguatan iki khususnya kanggo para ASN ing jajaran Pemprov Jatim, saengga pelayanan paling apik  bisa diwenehake marang  masyarakat.

“Kita kepengin silaturahim, lan nga­pura ingapuran sinambi awehy pesan pembinaan kepegawaian lan ngenalake Nawa Bhakti Satya,” mangkono ngen­di­kane Gubernur Jawa Timur, Khofifah In­dar Parawansausa nalika nggelar halal bihalal ing forum komunikasi pimpinan daerah (Forkopimda) kab/kota lan bu­pati/walikota se Jatim ing Gedung Negara Grahadi, Surabaya, Selasa (11/06).

Miturut ibu  Khofifah mangkono yen pa­dha ngaturi  Gubernur Jatim, penjela­san Nawa Bhakti Satya benget wigati supaya kabeh pegawai bisa aweh la­yanan cundhuk slogan “CETTAR”. Kanthi mangkono, sensitifitase akan binangun kanthi becik apamaneh sensitifitas ora mung awujud given.

“Kita perlu para pegawai Pemprov Jatim ora mung saderma aweh  respon cepet nanging uga tanggap, akuntabel lan efisien,” ujare piyayi nomor siji ing Ja­tim iki satemah nambahake Manawa Nawa Bhakti Satya bakal dadi kristalisasi ana ing  RPJMD saengga kabeh  pegawai kudu  paham.

Gubernur wanita kapisan ing Jatim iki nambahake, respon CETTAR kasebut bisa diwujudake kalawan nindakake pengecekan nalika ana pengaduan ma­syarakat. Contone, yen ada dalan rusak bisa langsung dicek duweke provinsi, nasional apa kab/kota saengga bisa enggal digolekake penanggula­ngane. Semono uga kanggo pemaksimalan la­yanan pendidikan apadene  kesehatan.

“Dak ajap ora padha kapisah ing segmen tugas pokok lan fungsinya wae. Nanging kabeh padha yaiku aparat Pemprov, jalaran kita iku Jatim ;an Jatim kuwi  kita,” pungkase ibu Khofifah.

Ing kalodhangan kasebut Gubernur Khofifah didhampingi dening Wagub Ja­tim Emil Elestianto Dardak dalah garwa Arumi Bachsin kang uga mujudake  Ketua TP PKK Prov. Jatim, sarta Sekdaprov Ja­tim Heru Tjahjono.

Sauntara iku, sawetara bupati/wali­kota kang rawuh antara lain Bupati lan Wabub Sidoarjo, Bupati lan Wabup Pame­kasan, Bupati Sumenep, Bupati lan Wabub Tuban, Bupati Jombang, Bupati lan Wabub Madiun, Walikota dan Wawali Kota Batu, Plt. Bupati Malang, Bupati Bli­tar, Bupati lan Wabup Gresik, Bupati lan Wabup Bangkalan, Bupati Magetan, sarta Bupati lan Wabup Ngawi.

Kejaba kuwi rawuh uga mantan Gu­bernur Jatim Imam Utomo Soeparno, lan Wagub Jatim Saifullah Yusuf. (At)

Berita Terkait

img

Samak Minggu Ini

img

img

Sumber Semangat

Nalika kowe anyel lan rumangsa gela, mula dina iku satemene kowe lagi ajar bab katumemenan.

Klik

DIGITALISASI WAYANG

Jroning upaya nylametake barang sejarah kayadene wayang, Keraton Yogyakarta wiwit 2019 iki nindakake digitalisasi jroning wujud foto. Kanthi anane wayang digital mula bakal nggampangake masyarakat ndeleng kanthi detail lan rinci Wayang Keraton iki. Dinane iki pihak Keraton Yogyakarta wis kasil nindakake digitalisasi rong kothak wayang kulit saka 14 kothak kang ana. Pancen rada rendhet, merga sak kothak wae bisa ngentekake wektu sasen-sasen, amarga jroning sak kothak kuwi ana atusan wayang kang kudu didigatalisasi siji mbaka siji kanthi detail banget. Asile bisa dideleng ing website kraton jogja.id (d/ist)

Pethilan

Dhuwit ijolan korupsi Rp 477.359 milyar ditampa

Yen dietung siji-siji pirang dina ya kuwi?

Sing nindkake teror nganggo air keras kawiyak

Bisa dikon cuci tangan dhisik kuwi…

Mlebu BUMN, Ahok diajab mundur saka partai

Sing durung-durung wis nulak Ahok, mundur wae saka BUMN