Jempol, Frances Nggawe Website Kampung Budaya Betawi
Diposting oleh : Administrator
Kategori: Tetepungan Remaja - Dibaca: 129 kali

Frances Caitlin Tirtaguna utawa kang akrab disapa Frances, nuduhake rasa perduline marang kabuda­yan lan perekonomian masyarakat Betawi. Kenya umur 16 taun iki konsisten ngenal­ake kabudayan Betawi marang kabeh ma­syarakat Indonesia lan donya liwat sawiji­ning platform digital yaiku Website kang bakal diserahake marang Perkampungan Bu­daya Betawi (PBB) Setu Babakan.

Penulis buku “Ondel Ondel Galau” kang diterbitake dening Kompas Gramedia April 2018 kepungkur iku ngandhakake, idhe nggawe sawijining website kanggo Kam­pung Budaya Betawi muncul nalika dhe­weke nindakake riset kanggo buku mau. Dheweke ngrasakake angele golek infor­masi kang valid bab budaya Betawi ing sosial media. Sajege kuwi, Frances duwe tekad nggawe sawijining wadhah kang bisa dadi panduan lan sumber informasi tinulis kang bisa dipercaya bab kabudayan Betawi amrih mbesuk kabeh masyarakat Indonesia apa­dene luar negeri bisa ngakses.

Alasan liyane yakuwi merga angele Frances golek jajanan kanggo ngisi we­tenge sasuwene dheweke nindakake riset ing PBB Setu Babakan mau. Wong adol panganan lan inuman khas Betawi rada angel ing kana ing saben dinane. Saengga dheweke tuwuh pitakonan, piye upayane amrih para bakul iki bisa nduweni pengasilan kang luwih rutin? Lumantar diskusi karo ma­neka pihak wusanane ditetepake yen web­site mujudake wadhah kang pas dina­ne iki kanggo nyengkuyung PBB Setu Ba­ba­kan dadi salah sijine tujuan wisata utama para wisatawan kang teka menyang Ja­karta.

“Bakal mongkogake warga Jakarta yen Perkampungan Budaya Betawi bisa dadi salah sijine tujuan wisata utama para turis nalika menyang Ibukota lan Website resmi iki bakal mbantu aweh maneka informasi bab budaya asli kota Jakarta bebarengan peta lokasi kanggo nggayuh lokasi PBB Setu Babakan,” ujare Frances.

Maksud lan tujuan Frances iki diseng­kuyung dening para tokoh Betawi lan Unit Pengelola Kawasan (UPK) PBB Setu Baba­kan. Saka pan­jaluke Abang lan Mpok ing UPK PBB Setu Ba­bakan sarta Bang Indra Sutis­na lan Bang Yah­ya Andi Saputra minang­ka tokoh masya­rakat Beta­wi se­kaligus pem­bimbing lan pen­damping Frances lan team-e jroning nyusun isi web­site iki, mula di­sarujuki jeneng website kang re­presentatif lan gampang dielingi dening masya­rakat. Website iki bakal dipasrahake wulan Mei 2019 iki ing UPK Perkampungan Budaya Betawi Setu Babakan kang alamate ing Jl. RM. Kahfi II, RT.13/RW.8, Srengseng Sa­wah, Jagakarsa, Kota Jakarta Selatan, Da­erah Khusus Ibukota Jakarta 12640.

Kanthi anane website PBB Setu Baba­kan iki, sapa wae bisa ngakses kanthi gam­pang informasi lengkap bab Kebudayaan Betawi lan Perkampungan Budaya Betawi. Wiwit saka Sejarah, Profil, Fasilitas; Wisata Air, Wisata Agro, lan Wisata Budaya; Ragam Budaya: Kesenian, Adat & Tradisi, Pakaian Adat, Transportasi Tradisional, Rumah Adat, Permainan, Seniman & Tokoh nganti Kuliner Betawi. Lan lumantar Website iki masyarakat uga bisa mangerteni berita paling anyar lan acara-acara kang digelar PBB Setu Babakan.

Website iki uga nyeng­kuyung tekade Frances kanggo ningkatake pametune ma­syarakat PBB Setu Babakan. Merga masya­rakat bisa kanthi gampang golek kuliner Betawi, bathik Betawi, cin­deramata Beta­wi, malah uga sanggar-sanggar kesenian Betawi ing salah sijine menu (Mitra Peda­gang) jroning website kang digawe Frances ksb. Kanthi mang­kono diajab lumantar adol liwat online ksb para Mitra Pedagang lan Pengrajin PBB Setu Babakan duwe kesem­patan oleh pe­ngasilan kang luwih rutin saben dinane sarta bisa nduweni pangsa pasar kang saya jem­bar. (d/sit)***

 

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan