Bengle, Mujarab Kanggo Tamba Lara Kuning
Diposting oleh : Administrator
Kategori: Anyar Katon - Dibaca: 63 kali

Bengle (Zingiber purpureum Roxb) mujudake empon-empon kang akeh ditandur ing karang padesan. Tanduran sing asale saka India iki ing daerah Sunda sinebut panglai, ing Madura karan pandhiyang, lan ing Bali kondhang banggele.

Bangle saemper kaya jae. Tandu-rane ngadeg kang dhuwure bi-sa nganti sameter. Wite semu, arupa papah-papah godhong kang tumpuk tinumpuk nganti dawa. Wit bangle nadyan mung cilik nanging katon ku-kuh yen ditandhing karo sedu-lure kang aran Zingiber offici-nale (jae abang).

Wayah ketiga nalika hawa lan lemahe wiwit garing, tanduran iki wiwit gawe tandan kembang ing pucuk gagang kang luwih cendhek tinimbang wite. Tandan kembang bangle mujude kaya tabuh bedhug klawan sisik-sisik kandel kanggo ngayomi makutha kembange. Sisik-sisik kasebut wiwitane awarna ijo lan suwe-suwe malih dadi abang lan soklat. Makutha kembang bengle wernane putih memplak. Krana kembange sing wernane apik kasebut, bengle ditandur ingplataran mesisan kanggo pasren.

 

Bonggol bengle

Bonggol bengle suminpen ing njero lemah. Daging bonggole wernane kuning semu ijo. Rasane pait, pedhes klawan ganda kang ora enak. Nanging godhong lan bonggol bengle nduweni kandhutan lenga asiri kang bisa gawe angete awak, kang sinebut sineol. Bengle uga nduweni kandhutan pinen. Pinen iki nduwe sipat ngrangsang selaput lendhir. Kayadene selaput lendhir kang ngayomi dhindhing usus perangan njero. Sawise ngrangsang, pinen kasebut bakal ngleremake, yen nganggone lenga bengle mung sethithik. Yen nganggone kakehan, pinen kang sumimpen ing lenga bengle bisa gawe ngelu lan yen ditogake bisa nganti semaput.

Mula iku mbah-mbah buyut jaman biyen tansah manti-wanti supaya nyampur lenga bengle karo bonggol jae utawa kencur. Yen empon-empon loro kasebut ora ana, bisa diganti lempuyang wangi (Zingiber aromaticum) kang bisa gawe wangi lan sedhep gandane.

 

Kanggo tamba

Ing padesan bengle wis suwe digunakake kanggo ngusadani lelara kuning, rematik, masuk angin, cacingen, lan ngurangi lemak ing awak.

Yen kanggo tamba lara kuning, kita kudu nyepakake bonggol bengle ½ driji. Sawise dikumbah resik nuli diparut lan diperes. Diwenehi banyu meteng ½ gelas lan madu sasendhok makan. Ngunjuke sedina kaping pindho esuk lan sore. Bisa gawe racikan kang padha kanggo diunjuk saben dina nganti 5-7 dina.

Kanggo ngusadani masuk angin, bonggol bengle sing isih seger ½ driji. Sawise dikumbah resik diparut lan diperes, nuli diwenehi banyu mateng ½ gelas lan ditambah madu rong sendhok makan sarta uyah alus sethithik. Racikan iki bisa diunjuk esuk lan sore sawise dhahar.

Kanggo ngurangi lemak ing awak (utamane kenya), kita bisa nyepakake bongol bengle ½ driji lan temu ireng. Sawise dikumbah resik bengle lan temu ireng diparut, nuli diperes lan ditambahi peresan jeruk pecel sarta madu rong sendhok makan. Diudeg nganti rata lan diunjuk yen arep mapan sare.

Menawa kanggo ngusadani rematik (nyeri sendi) bonggol bengle 25 gram disiyapake. Dikumbah resik banjur diparut diwadhahi lepek lan ditambahi arak (dadi kaya bubur) lan bisa diborehake ing perangan sendhi kang krasa lara. Anggone mborehake  nalikane arep sare.

Racikan bengle uga mujarab banget kanggo ngusadani pawongan kang angel BAB (buang air besar). Ing toko obat wis ana obat kang kanggo nglancarake BAB kuwi.

Carane, nyepakake godhong bengle rong papah, jae, kencur, lan lempuyang @ ½ driji. Racikan iki nuli digodhog nganti umob nganggo banyu rong gelas, disisakake kari sagelas. Sawise disaring diunjuk manget-manget sepisan wae. Mesthi cespleng.... . Nuwun (Syt)

 

Berita Terkait

img

Samak Minggu Ini

img

img

Sumber Semangat

Yen kabeh kang kita karepake kudu kita DUWENI, saka ngendi kita ajar IKHLAS.

Klik

ADU DARA

Sawijining petugas lagi naliti dara pos ing Kandhang Nasional Ra¬jamandala, Jl. Mandalawangi, Cipatat, Bandung Barat. Ana 706 manuk dara padha dipasangi cip kanggo persiapan melu Lomba One Loft Race kanthi total jarak 1.750 km. Lomba adu dara iki dibagi jroning 6 tahap kanthi jarak paling adoh 450 km saka Kandhang Nasional Rajamandala mau. Sing dibiji bantere dara nalika tekan dhisik ing kandang kanthi ndeleng sistem radio frekuensi kang dipasang ing cip ing sikile dara mau. (d/ist)***

Pethilan

Partai sarujuk pimpinan MPR ditambah

Dundum kursi ora ana mandhege

Ancaman pidana marang masyarakat ningkat

Sawise suwarane dijupuk saiki rak­yat diancam

Ancaman pidana marang masyarakat ningkat

Sawise suwarane dijupuk saiki rak­yat diancam