Menu sing Prayoga kanggo Saur lan Buka
Diposting oleh : Administrator
Kategori: Kagunan Dapur - Dibaca: 117 kali

Ngepasi sasi pasa, salumrahe kanggone umat Islam padha ngatur pola memangane. Mula wis dadi pradatan para ibu banjur ada-ada nyepakake menu kanggo saur lan buka.

Ing kalodhangan iki, redhaksi Taman Wanita njajal andum conto menu kanggo saur lan buka. Sakabehe jinis mangsakan kapetung ora angel carane mangsak. Kejaba saka iku, bahan-bahane uga wis lumrah bisa tinemu ing warung, pasar, uga swalayan.

Sing perlu digatekake ngenani menu saur lan buka, kejaba rasane sing nyamleng, uga kandhutan gizine. Menu saur contone, aja disepelekake. Jalaran, ya nalika dhahar saur iku, ateges aweh pasokan energi kanggone badan, amrih bisa kuat nglakoni pasa nganti wayahe buka. Kandhutan gizi sing pas uga bakale njaga kahanan saranduning badan, amrih mripat lan pangrungon tetep awas saengga bisa srawung kanthi becik, tenaga lan pikiran uga cukup kanggo nindakake pakaryan.

Semono uga nalika arep buka. Adate sadurunge memangan menu pokok, ana sing diarani takjil. Jalaran sedina nahan luwe lan utamane ngelak, apamaneh yen hawane panas ngenthang-ngenthang, akeh sing banjur nalika wayahe buka langsung gleg gleg ngombe es. Kamangka, sejatine iku kurang prayoga. Jalaran lambung sing sedina kosong, bisa kaget yen banjur kaisenan sing adhem njekut. Luwih wicaksana yen ngunjuk wedang anget utawa ora panas ananging uga ora adhem.

Dene menu kanggo buka, sawise sedina lambung lan usus rada leren, tetep diprayogakake sing komplit kadhar gizine. Aja banjur nguja dumeh mau wis ora memangan, banjur sawernane mangsakan sing dikaremi dipangan. Tetep perlu banget nggatekake komposisi panganan sing arep dirahabi. Ya kudu ana karbohidrate, serat, protein (hewani lan nabati), uga vitamine.

Ing tabel iki ana conto menu saur lan buka kanggo seminggu. Mangga yen kersa bisa enggal dicoba.

 

Berita Terkait

img

Samak Minggu Ini

img

img

Sumber Semangat

Yen kabeh kang kita karepake kudu kita DUWENI, saka ngendi kita ajar IKHLAS.

Klik

ADU DARA

Sawijining petugas lagi naliti dara pos ing Kandhang Nasional Ra¬jamandala, Jl. Mandalawangi, Cipatat, Bandung Barat. Ana 706 manuk dara padha dipasangi cip kanggo persiapan melu Lomba One Loft Race kanthi total jarak 1.750 km. Lomba adu dara iki dibagi jroning 6 tahap kanthi jarak paling adoh 450 km saka Kandhang Nasional Rajamandala mau. Sing dibiji bantere dara nalika tekan dhisik ing kandang kanthi ndeleng sistem radio frekuensi kang dipasang ing cip ing sikile dara mau. (d/ist)***

Pethilan

Partai sarujuk pimpinan MPR ditambah

Dundum kursi ora ana mandhege

Ancaman pidana marang masyarakat ningkat

Sawise suwarane dijupuk saiki rak­yat diancam

Ancaman pidana marang masyarakat ningkat

Sawise suwarane dijupuk saiki rak­yat diancam