Araning kembang
Diposting oleh : Administrator
Kategori: Macapatan - Dibaca: 303 kali

G a m b u h

1.  Tinimbang thenguk-thenguk

     Theklak-thekluk saya tambah ngantuk

     Nyandhak kertas ureg-ureg wiwit nulis

     Banjur nganggit tembang Gambuh

     Rada ganpang sarta ènjoh

 

2.  Jenengé kembang iku

     Warna-warna arané sinebut

     Montro timun lamun maya kembang blimbing

     Suruh drèngès, jambu karuk

     Puspanyidra kembang ganyong

 

3.  Cengonglong kembang gadhung

     Pudhak pandhan, randhu uga karuk

     Salak ketheker, jéngkol iku kesuwis

     Krambil manggar, peté bendul

     Kembang cengkèh aran polong

4.  Durèn dlongop wis mathuk

     Kapas kadi déné dhadhap célung

     Kencur sedhet, tales pancal, pohung ingklik

     Gremeng mono kembang garut

     Putat klonjèr, cubung torong

 

5.  Kembang kacang besengut

     Nangka angkup, sawo jeneng rikuh

     Tebu gleges, kara kèpèk, lombok menik

     Maersoré kembang kacur

     Kembang nipah aran dongong

 

6.  Sinuwun kembang jagung

     Jati janggleng, klèngsor kembang kangkung

     Kèlor limaran, arèn dangu wis            mesthi

     Kanthil gadhing, gedhang tuntut

     Uceng iku kembang eso

 

7.  Kembang pring krosak iku

     Pacé nyerwètèh, slomprèt kecubung

     Jarak juwis, kluwih onthèl, krokot naknik

     Doblog iku kembang waluh

     Kembang laos aran jithot

 

8.  Pelem arané mawur

     Gembili seneng wus ora klèru

     Jambé mayang, alang-alang iku githir

     Mangka wekasaning atur

     Jedhidhig kembang lamtara

 

9.  Makaten wujudipun

     Sekar Gambuh ingkang kirang mungguh

     Ing pangangkah nguri-uri basa Jawi

     Kabudayan adi luhung

 

Dipepetri dimèn bakoh

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)