Ngawekani WA Pending utawa Ora Kekirim
Diposting oleh : Administrator
Kategori: Anyar Katon - Dibaca: 120 kali

WhatsApp utawa biasa disingkat WA dinane iki muncul dadi aplikasi chatting paling populer ing donya kanthi miliaran pengguna aktif. WA nyaman banget lan gampang digunakake yen dibandhing apli­kasi perpesanan liyane. Mung wae ana sawijining bab kang cukup ngganggu pengguna yaiku nalika pesan WA pen­ding utawa malah ora kekirim. Nanging ora usah kuwatir, ing kene bakal kita be­ber piye carane ngawekani WA pending mau.

Kenapa WA pending? Salah siji se­babe kemungkinan merga ana peneri­maan sinyal kang kurang apik. Dadi bab pertama sing kudu ditindakake yakuwi ngecek sinyal operator kang digunakake, bisa wae ilang utawa lagi ngalami gang­guan.

Nanging sing dadi masalahe yakuwi kenapa whatsapp pending mangka sinyale apik? Nah solusine, kanca-kanca bisa nyemak tulisan ing ngisor iki.

Ana sawenehing bab kang bisa ditindakake kang­go ngatasi WA pending utawa ora kekirim menyang sing nampa, ing antarane yakuwi:

 

1. Ngowahi Setting Jari­ngan me­nyang 3G uta­wa 4G Only

Yen pesan WAmu sering pending, mula bab pertama kang bisa mbok tindakake yakuwi ngecek jaringan in­ternet sing mbok gunakake. Sebab bisa wae jaringan internet sing mbok enggo lagi error.

Saliyane iku, pesthekna set­tingan hpmu lagi nggunakake jaringan internet paling apik amrih pesan WA bisa dikirim luwih cepet. Yen perlu, owahi settingan jari­ngan selular hp nganggo jaringan 3G utawa 4G wae.

Carane nyetting cukup mlebu me­nyang menu setting hp > jaringan lainnya > Jaringan Seluler > Jenis Data yang Dipilih > pilih 3G utawa 4G kang cocok karo ka­butuhanmu. Mula jari­ngan internetmu wis jroning mo­de cepet.

 

2. Manfaatke Mode Pe­sawat

Cara liyane kanggo ndadekake Whats Appmu ora pending yakuwi kanthi ngu­ripake mode pesawat ing menu setting banjur dipateni maneh sawise kuwi. Yen kanca-kanca ngaktifake banjur mateni mode pesawat, mula iku padha karo nge-restart maneh kabeh jaringan kang nyambung ing smartphone.

Mung wae kadhang kita ora cukup sepisan nindakake cara iki, ana kondisi kang ngudokake kita nindakake bola-bali dhisik. Biasane jaringan internet bakal bali normal lan kita bisa ngakses internet maneh.

 

3. Busak Cache

Kanthi cukup kerepe WhatsApp digu­nakake, mula cache kang ana uga saya akeh. Senajan satemene cache kuwi mu­jud­ake data kang disimpen sementara dening hp kanggo nyepetake pemro­sesan sawijining aplikasi.

Nanging yen cache terus ditogake numpuk, mula bisa wae ndadekake WhatsApp error lan sering nyebabake pesane ora kekirim. (ana candhake)

 

Berita Terkait

img

Samak Minggu Ini

img

img

Sumber Semangat

Minterna wong bener kuwi luwih gampang katimbang mbenerake wong pinter. Nanging mbenerake wong pinter kuwi mbutuhake beninge ati lan jembare dhadha ...

Klik

SUMUR RAHASIA ING PORTUGAL

Bangunan kang kaya sumur iki arane Quinta da Regaleira, yakuwi sawijining taman kang dumunung ing kutha Sintra, Portugal. Taman iki dumadi saka istana lan kapel, sarta pekarangan kang ana tlagane, guwa, sumur, air mancur, lan lurung kanthi konstruksi kang endah. Nanging perangan paling endah saka taman iki ya kuwi Sumur Inisiasi. Sumur iki cukup jeru lan nduweni undhag-undhagan spiral amrih bisa tekan panggonan ngisor dhewe. Ujare ngakeh, ndhisike sumur iki minangka papan ritual masonis. (d/ist)***

Pethilan

Listrik mati nganti dina senen

Kari njaluk ngapura…

Blackout, PLN bakal menehi kompensasi marang langganane kang rugi.

Muga-muga janji iki ora ujug-ujug peteng maneh.

Listrik mati total ing ibukota lan sawenehing kutha.

Peteng, sing katon mung ‘wedhus ireng’.