Dhuel Lightsaber, Pedhang Sinar-e Star Wars Diakoni dadi Olahraga ing Prancis
Diposting oleh : Administrator
Kategori: Anyar Katon - Dibaca: 129 kali

Kabar apik mesisan mboknenawa mongkogake tumrape para sutresna salah sijine ikon budaya pop, Star Wars. Dhuel lightsaber alias pedhang sinar kang identik karo Star Wars saikine wis resmi diakoni minangka sawi­jining olahraga.

Paling ora kuwi wis kedadeyan ing Prancis. Federasi Anggar Prancis (FFE/Federation Francaise d’Escrime) wis ngetokake keputusan ngakoni lightsaber minangka salah sijine senjata kang bisa dipigunakake ing cabang olahraga ksb.

Kanthi ngakoni dhuel lightsaber minangka olahraga, FFE pengin ngrangkul bocah-bocah enom amrih keseng­sem nindakake olahraga kanthi tema kang dadi favorite.

“Ana isu kesehatan kang nguwatirake ing kalangan nom-noman saiki. Yakuwi ora gelem olahraga lan mung nglatih jem­pole,” ujare Sek­jen FFE, Serge Aubailly, kaya ditulis Esquire.

“Kita nyoba nyip­tak­ake sesambungan anta­rane disiplin olah­raga kita karo tekno­logi modern, dadi par­tisipasi jro­ning olahraga krasa natural,” bacute.

Kanthi migu­nak­ake lightsaber, FFE pe­ngin mancing bocah-bocah enom Prancis amrih gelem olahraga maneh kanthi cara kang nyenengake kanggo dheweke dhewe.

Mesthi wae sing digunakake dudu lightsaber tenanan kaya sing digunakake para satria Jedi ing Star Wars kanggo nyigar awake mungsuh-mungsuhe iku. Sing digunakake kanggo nindakake olahraga dhuel lightsaber yakuwi replika pedhang sinar Star Wars kang digawe saka plastik.

FFE dhewe isih nyoba ngrumusake peraturan kang bisa dicakake ing dhuel lightsaber ksb minangka sawijining olahraga. Klebu kualifikasi alat lan pirantine.

Nanging, jroning turnamen-turnamen sadurunge FFE resmi ngakoni dhuel lightsaber minangka olahraga, wis ana kayadene standar aturane.

Atlet dhuel light­saber tetep wajib nganggo pelindung sirah lan awak. Sa­betan utawa sunduk­an lightsaber kang ngenani sirah utawa awak oleh poin 5, yen kena lengen lan sikil poine 3, dene yen kena tangan bi­jine 1.

Atlet pertama kang oleh 15 poin menang. Bisa uga pemenange yakuwi sing ngumpulake poin paling akeh sa­suwene dhuel suwe­ne 3 menit.

(d/ist)

 

Berita Terkait

img

Samak Minggu Ini

img

img

Sumber Semangat

Minterna wong bener kuwi luwih gampang katimbang mbenerake wong pinter. Nanging mbenerake wong pinter kuwi mbutuhake beninge ati lan jembare dhadha ...

Klik

SUMUR RAHASIA ING PORTUGAL

Bangunan kang kaya sumur iki arane Quinta da Regaleira, yakuwi sawijining taman kang dumunung ing kutha Sintra, Portugal. Taman iki dumadi saka istana lan kapel, sarta pekarangan kang ana tlagane, guwa, sumur, air mancur, lan lurung kanthi konstruksi kang endah. Nanging perangan paling endah saka taman iki ya kuwi Sumur Inisiasi. Sumur iki cukup jeru lan nduweni undhag-undhagan spiral amrih bisa tekan panggonan ngisor dhewe. Ujare ngakeh, ndhisike sumur iki minangka papan ritual masonis. (d/ist)***

Pethilan

Listrik mati nganti dina senen

Kari njaluk ngapura…

Blackout, PLN bakal menehi kompensasi marang langganane kang rugi.

Muga-muga janji iki ora ujug-ujug peteng maneh.

Listrik mati total ing ibukota lan sawenehing kutha.

Peteng, sing katon mung ‘wedhus ireng’.