Naskah Jawa Bali Menyang Papan Asale
Diposting oleh : Administrator
Kategori: Anyar Katon - Dibaca: 23 kali

Mangayubagya 30 taun jumenengan Sri Sultan Hamengku Buwono X, kagelar simposium internasional bab Studi Jawa lan Naskah Kraton Jogjakarta. Kabukak langsung dening Ngarsa Dalem Sampeyan Dalem Sri Sultan Hamengku Buwono X, adicara dina Selasa (5/3) iki dirawuhi dening atusan pasarta lan tamu undangan. 

Marang para rawuh, HRH Gusti Hayu paring wedharan bab simposium iki, wiwit saka lelandhesane, rancangane, uga pangajape. 

Dene Sri Sultan HB X ngandharake yen taun 1812 nalika dumadi Geger Sepehi, sakehing naskah saka kraton Ngayogyakarta kaboyong menyang manca. “Suwene 207 taun sumimpen ing Inggris, lan taun iki diulihake menyang kraton Ngayogyakarta,” ngendikane. Wis mesthi bab kasebut ndadekake bungah lan mongkoge pihak kraton. Sing banjur uga njalari gumregahe rasa kepengin nlusur isine lan nepakake ing madyaning masyarakat. 

Sabanjure kagelar tapak asma prajanjen antarane HB X lan Rektor Universitas Negeri Yogyakarta (UNY), kanggo mbacutake niyat miyak sarta ngleluri naskah kanthi panaliten. 

Simposium iki mujudake adicara pambuka kanggo miwiti pameran naskah kraton Ngayogyakarta, sing bakal kabukak kanggo masyarakat umum. Pameran bakal kaleksanan Kemis (7/3), lan kagelar sesasi suwene. Sok sapaa wae kena melu nekseni, mung kanthi sanja menyang kraton Ngayogyakarta.

(lie)

Berita Terkait

img

Samak Minggu Ini

img

img

Sumber Semangat

Yen kita sukses, bakal akeh ‘kanca palsu’ lan akeh ‘lawan nyata’. Ora usah perduli, tetepa dadi wong sukses apa wae kahanane!

Klik

DESA KANTHI PENDHUDHUK GOLEKAN

Desa Nagoro kang ana ing Jepang ndhisike dipanggoni atusan kepala keluarga. Nanging saikine kabeh mau wis owah. Sing ngenggoni mung puluhan wae, sing liyane wis padha tilar donya. Sing rada aneh saka desa iki, amrih ora sepi merga sithike pendhudhuk, akeh golekan kang dipasang ing ngendi-endi kanthi dipacaki kaya patrape menungsa tenanan. Kaya upamane lagi jagongan, nyapu, nyawah lsp. (d/ist)***

Pethilan

Kekarone capres ajeg nyapa calon pemilih

Wiwit selfie nganti aweh klambi

Anggaran pelatnas seret

Pengin emas, wenehana baki

Bab ngragati partai, parpol siap aweh data menyang KPK

Apik kuwi, katimbang menehi koruptor wae…