Kutha Pati Nampa Adipura, Kutha Cilik Paling Resik
Diposting oleh : Administrator
Kategori: Anyar Katon - Dibaca: 93 kali

Pemerintah Kabupaten Pati bali nampa penghargaan Adipura saka Kementerian Lingkungan Hidup lan Kehutanan (KLHK). Penghargaan kasebut dipasrahake langsung Wakil Presiden Jusuf Kalla marang Wakil Bupati Pati Saiful Arifin ing Gedhung Manggala Wanabhakti, Jakarta, Senin (14/1) kepungkur.

Kategori penilaian adhedasar saka gunggunge pendhudhuk, amerga pendhudhuk ana ing titik pantau cacahe kurang luwih saka 100 ewu jiwa, mula Kabupaten Pati bisa nyaingi karo kutha liyane sing dhuweni jumlah penduduk antarane 20.000 nganthi 100.000 jiwa (kategori kutha cilik)

Jrone program Adipura periode 2017 tekan 2018, penilain dileksanake marang 369 Kabupaten/Kutha utawa 72 persen saka 514 Kabupaten/Kutha ing Indonesia. Asile ing wiwit taun 2019 iki Kemnterian Lingkungan Hidup lan Kehutanan masrahake anugerah Adipura marang 146 dhaerah sing entuk penghargaan.

Anugrah Adipura periode 2017-2018 ngliputi siji Adipura Kencana, 119 Adipura, 10 Sertifikat Adipura lan limang Plakat Adipura sarta penghargaan kinerja pengurangan sampah kanggo 11 Kabupaten/Kutha.

Sawise nampa penghargaan, Wakil Bupati Pati Saiful Arifin ngandharake pangucap rasa syukur lan matur nuwun  marang kabeh pihak sing wis melu nyengkuyung jrone mujudake kutha sing resik tenan. “Pemerintah Kabupaten Pati ora superman nanging super team, dadi iki asil kerja kita bebarengan,” ngendikane.

Saiful Arifin ngajap kekompakane kabeh stakeholder jrone mujudake lingkungan sing katon resik supaya terus diugemi. “Penghargaan ora tujuan akhir, nanging lingkungan sing nyaman, asri lan katon resik iku sing dadi tujuan kita kabeh sakteruse,” pangajabe Wakil Bupati.

-Wakil Presiden Jusuf Kalla nalika masrahake penghargaan Adipura pisan nelakake manawa  minangka  rekor. “Rekor kanggo aweh  penghargaan, akeh banget kang kudu dipasrahake luwih saka  100.”

Dene Menteri Lingkungan Hidup dan Kehutanan Siti Nurbaya ngendika 146 Adipura iku dumadi saka  1 Adipura Kencana, 119 Adipura, 10 sertifikat Adipura, 5 plakat Adipura, sarta penghargaan kinerja pengurangan sampah kanggo  11 kabupaten kota. (Didik Andoyo)

Berita Terkait

img

Samak Minggu Ini

img

img

Sumber Semangat

Wong kang paling hebat pisan kanthi idhe-idhene kang  paling brilian, bisa wae dikalahake de­ning wong kang bo­dho kanthi akale kang kerdhil. Mula tokna idhe-idhe bri­lianmu apa wae ka­hanane.

Klik

JEMBATAN NGISOR KALI

Meh kabeh, yen jenenge jembatan kuwi mlangkring ing sandhuwure banyu. Nanging ora mangkono karo jembatan kang ana ing Fort de Roovere, sacedhake Desa Halsteren, negara Landa iki. Ing kana ana jembatan kang ora mlangkring, nanging peres karo banyune. Jembatan iki pancen nyigar tlaga cilik kang banyune anteng. Dadi…. kapan maneh ya bisa nrabas banyu nanging ora teles?? (d/ist)***

Pethilan

TVRI nyoba ngrombak stigma

Saingane luwih maju banget

Sing manther anggone ngawasi praktek politik dhuwit

Emane dhuwite ora mambu…

Sing lapor SPT adoh saka target

Akeh sing ‘golput’ pranyata…