Dadi Ratu Tenes Dunia, Naomi Osaka Ora Percaya
Diposting oleh : Administrator
Kategori: Anyar Katon - Dibaca: 110 kali

Umur enom ora memalangi Naomi Osaka nggayuh pucuke prestasi kanthi dadi pemain tenes tunggal putri nomer siji dunia.

Naomi Osaka pancen mentas wae disengkakake minangka pemain tenes tunggal putri terbaik dunia jroning ran­king paling anyar kang dirilis WTA Senen kepungkur (28/1/2019).

Asil mau dipethik pe­main tenes 21 taun iki merga saka gelar juara Australian Open 2019 kang dimenangake akhir minggu kepungkur.

Gelar kang dipethik Naomi Osaka ing Mel­bourne iku uga saya nan­dhesake statuse mi­nang­ka rising star jroning per­saingan tenes putri dunia dinane iki.

Sadurunge, jeneng Osaka luwih dhisik ngun­dang ka­wigaten nalika kasil ngalahake Serena Williams ing partai final US Open 2018.

Naomi Osaka kaya-kaya uga isih ora percaya bias ngukir kabeh prestasi gemilang iku, klebu dadi juara jroning rong turnamen tenis Grand Slam kanthi terus-terusan.

“Sasuwene rong musim terakhir iki sing tak pengini mung bisa mapan ing 10 besar, merga mangkono mau ca­rane amrih aku bisa ngukir sejarah dhewe.”

“Nanging supaya bisa manggon ing posisi saiki iki, isih krasa ora nyata banget” ujare Osaka marang WTATennis.

Rasa ora percaya kang dialami Naomi Osaka satemene lumrah banget merga ing Australian Open edisi 2018 dheweke isih manggon ing peringkat 72 dunia.

Karier wanita blasteran Haiti-Jepang iki wiwit mon­cer nalika dheweke sukses oleh gelar perda­nane ing kompetisi WTA kanthi dadi juara Indian Wells Open.

Sajege oleh gelar iku, jenenge Osaka wiwit dadi petungan jroning peta persaingan tenes tunggal putri dunia. Apamaneh sawise dadi juara US Open 2018 nem wulan sabanjure.

Saikine, Naomi Osaka uga wis ana ing puncak kejayaan lan malah ngukir sejarah dadi pemain tenes Asia pisanan kang nyandhang status minangka ratu tenes dunia. (d//ist)***

Berita Terkait

img

Samak Minggu Ini

img

img

Sumber Semangat

Wong kang paling hebat pisan kanthi idhe-idhene kang  paling brilian, bisa wae dikalahake de­ning wong kang bo­dho kanthi akale kang kerdhil. Mula tokna idhe-idhe bri­lianmu apa wae ka­hanane.

Klik

JEMBATAN NGISOR KALI

Meh kabeh, yen jenenge jembatan kuwi mlangkring ing sandhuwure banyu. Nanging ora mangkono karo jembatan kang ana ing Fort de Roovere, sacedhake Desa Halsteren, negara Landa iki. Ing kana ana jembatan kang ora mlangkring, nanging peres karo banyune. Jembatan iki pancen nyigar tlaga cilik kang banyune anteng. Dadi…. kapan maneh ya bisa nrabas banyu nanging ora teles?? (d/ist)***

Pethilan

TVRI nyoba ngrombak stigma

Saingane luwih maju banget

Sing manther anggone ngawasi praktek politik dhuwit

Emane dhuwite ora mambu…

Sing lapor SPT adoh saka target

Akeh sing ‘golput’ pranyata…