Lala, tetep Andhap Asor senajan Juwara
Diposting oleh : Administrator
Kategori: Tetepungan Remaja - Dibaca: 234 kali

Ambyur ing jagating olahraga karate ora kudu dadi duweke keluarga kalangan nengah mendhuwur wae. Lair lan gedhe ing ka­langan keluarga sederhana uga nduweni kalodhangan kang padha.

Bab iku paling ora wis dibuktekake dening Lala Diah Pitaloka, karateka cilik kang mentas iki dadi juara ing Kejuaran Internasional Karate Belgia. Lair saka keluarga pas-pasan, bocah kelairan 17 Mei 2005 iki manjilma dadi ‘sosok’ kang disungkani lawan-lawane nalika ing arena.

Kahanan kang adoh saka kesan gla­mour ksb, isih katon ing awake Lala eng­ga dinane iki. Malah, sang jawara iku kudu lila pindhah saka omah siji me­nyang omah liyane, ndherek bapake kang pindhah-pindhah kontrakan.

“Ya pindhah-pindhah (kontrakan) wae. Ing (kontrakan) kene lagi patang wulan. Kebeneran sing duwe omah isih sedulur, dadi ora pati larang” ujare ba­pake Lala, Idi Sayidiman ing kontrakane, Rt 5/8, Blok Tajurwangi, Desa Waringin, Kecamatan Palasah, nalika ngobrol men­tas iki (15/12/2018).

Pak Idi nambahake, sajege 2014 ke­pungkur Lala pancen kerep dadi juara ing sawenehe kejuaraan. Nanging, gelar iku ora banjur ndadekake dheweke akeh dhuwit.

“Akeh-akehe mung medhali, piagam, lan tropy wae. Tau sih ana kadedeuh (bo­nus) nalika ing O2SN, gedhene Rp 5 yuta, dipo­tong pajak. Al­ham­dulillah, kena kanggo kabutuhan pedinan,” ujare.

“Lagi saban­jure sawise juara dunia, nalika ing Jerman 2016, wi­wit ana bonus-bonus. Sing keri dhe­we nalika juara ing Belgia mentas iki, ana bonus uga saka Pemkab, Rp 50 yuta. Insya Allah iku bakal digunakake kanggo usaha,” be­bere pak Idi, kang uga pelatih fisik Lala iku.

Urip ing lingkungan keluarga seder­hana, sukses ndadekake Lala tuwuh mi­nangka blegere remaja kang andhap asor. Senajan wis nduweni jeneng ge­dhe, ananging dheweke tetep kaya umume bocah-bocah sak barakane.

“Wiwit cilik Lala wis katon mandiri. Alhamdulillah, senajan saka keluarga sederhana, dheweke ora tau katon min­der nalika melu kejuaraan. Nganti saiki ya isih kaya bocah-bocah umume, man­diri lan ora nggawe jarak karo wong liya,” jlentrehe.

Adoh sadurunge dadi atlet hebat, Pak Idi ngaku kerep kerepotan nyiapake ke­butuhane Lala. Kerepotan iki saya krasa nalika dheweke arep budhal menyang Jerman. “Mang­kat saka sarwa winates, kita pengin mbuktekake yen karate iku gampang. Pengin dadi icon Majalengka. Nalika eling Karate, eling Majalengka,” panutupe pak Idi. (d/ist)***

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan