Kenya Manis iki Ngukir Sejarah Anyar Bulutangkis Dunia
Diposting oleh : Administrator
Kategori: Anyar Katon - Dibaca: 17 kali

Ana warta kang cukup ngagetake ing sektor gandha putri awaling taun 2019 iki. Pengin ngerti apa warta anyar kang cukup ngagetake kuwi?

Tim bulutangkis putri Indonesia, bakal disengkuyung pemain kang rupane ayu. Pemain iki isih enom umure. Saka cathetan Federasi Bulutangkis Dunia utawa BWF, kenya manis iki lagi umur 20 taun. Sapa dheweke kuwi?

Cewek iki arane Virni Putri. Ing awaling  taun iki, Virni bakal langsung didukake ing rong turnamen sekaligus, yakuwi ing Thailand Masters super 300 tanggal 8-13 Januari iki lan Malaysia Masters super 500.

Saka kekarone turnamen ksb, Malaysia Masters mujudake turnamen kang kebak sejarah kanggone Virni. Iki ora liya merga kuwi mujudake turnamen taunan BWF super 500 alias level IV kang bakal dieloni Virni.

Lan sing rada lucu maneh, ing dhaftar undian Malay-sia Masters, kacathet jenenge Virni bakal pasangan karo seniore, Della Detiara Haris. Iki uga sejarah anyar, merga  Virni/Della lagi iki dhuet ing sawijining lapangan.

Taun kepungkur, Virni dhuet karo Ni Ketut Mahadewi Istarani. Kekarone didhukake ing rong turnamen pung-kasan ing 2018, yaiku ing Syed Modi lan Korea Masters.

Penampilane Virni karo Ni Ketut ing rong turnamen mau cukup apik. Saka telung pertandhingan kang dieloni, Virni/Ni Ketut bisa menangake siji, yaiku nalika ngalahake wakil Taiwan Hung Shin Han/Chien Hui Yu ing babak 32 Korea Masters.

Sasuwene ambyur ing jagading bulutangkis, Virni pancen tau mudhun ing turnamen BWF mawa level II utawa super 1000, yakuwi ing Indonesia Open 2017 lan 2018. Nanging mung nganti tekan babak kualifikasi lan 32 besar wae.

Dinane iki Virni isih ana ing ranking 196 dunia, kanthi cathetan wis menangake 42 pertandhingan ing gandha putri lan gandha campuran.

Tekane pasangan anyar iki diajab bisa nangekake prestasi gandha putri Indonesia. Merga jroning sawenenhing taun pungksan iki, sektor gandha putri ing donya dikuwasani pemain saka Jepang lan China. (d/ist)***

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik