Sega, tekane dina iki, isih mujudake sumber karbohidrat kang paling akeh di-konsumsi dening masyarakat Indonesia. Sanadyan ana pohung, jagung, sagu, uwi, uga kenthang kang bisa dadi pilihan, nanging sa­jake ilate sakehing wong wis ka­dhung kulina marang sega.

Mula ora mokal yen banjur ana maneka kreasi olahan sega. Keja­ba mung diliwet (saiki malah di­mangsak nganggo magic com), ana sing aran sega bakar. Sega kang wis mateng diwungkus go­dhong lan dibakar sauntara. Ing Sunda, ana kanga ran nasi timbel. Yaiku sega kang pulen, lan ing ka­hanan anget diwungkus godhong gedhang. Nalika dicawisake, hmmm, gandha sedhep nambahi rasa luwe.

Ing kalodhangan iki ana olahan nasi timbel cacah loro. Lelorone ka­imbuhan kreasine dhewe-dhe­we. Dene menu liyane, ora kalah sedhep lan nikmat. (nn)