Getih Dagang Wong Kalang Kotagede
Diposting oleh : Administrator
Kategori: Laporan - Dibaca: 56 kali

Akeh versi ngenani asal usul wong kalang Kotagede, kalang sing asale saka ukara dikalangi, Bahasa Indonesia dibatasi gerak gerike. Versi awale saka Kerajaan Mataram Islam Sultan Agung Hanyongkro Kusuma.

Versi iku njlentrehake adhike Sultan Agung sing aran Putri Ambar Lurung merga ana sesambungan asmara karo Ida Bagus Sasana, nomnoman Bali ahli ukir nganti kebacut nggarbeni. Mula dinggo nutupi aib raja kalorone dinikahke nanging ora entuk mlebu kraton mula diarani dikalangi.

Amerga dikalangi anak turunne ora entuk dadi pegawai kerajaan mula akeh padha wirausaha.

 

Lurahe Tembong

Salah sijine keturunan kalang sing jenenge asli Pawiro Suwarna alias Lurahe Tembong ing omahe Tegal Gendu Kotagede sing saiki dituku pengusaha saka Jakarta. Riwayate tegese arep dipasang nganggo duwit landa gambar Ratu Wilhelmina, nanging ora sida Landa jaluk posisi duwit logam ngadek.

Menawa posisi leter gambar Ratu Landa ora duwe wibawa, dipidak-pidhak. Saking sugihe omah wetan kali karo kali Gajah Wong arep disambung, nanging karo pendhudhuk ora entuk.

Getih dagang apa ta? Lurahe Tembong dasare sugih miturut riwayat dhewekke minangka pedagang emas, alias kemasan. Mula wong kalang isih cilik akeh wis dolanan inten lan emas.

Sakliyane iku Lurahe Tembong sing tilas kuli barang pelabuhan iku dipercaya karo Landa utawa diajeni duwe pitulas pagoda lan omahe ana sing aran Gedong Tengen lan Gedong Kiwo, Gedong Tengen dinggo pertemuan para relasi yen Gedong Kiwa pertemuan keluarga yen ana agawe, nikah, slametan, khitanan lan liyane.

“Wong kalang asli wong Jawa uga, mula Lurahe Tembong yen ngongkon pembantune yen diceluk ora nyaur tansah ngucap kasar jeneng kewan diucapke. Lan disengaja karo para pembantune sebab yen diundang ora ngucap kasar ora lali nambahi duwit, ngono ature pembantu-pembantu Lurahe Tembong marang PS sing ora gelem ngaku jenenge”

Anak turune Tembong saiki padha wirausaha sukses, ana sing buka restoran, home stay, lan hotel Mutiara sing ana Malioboro iku uga minangka sing duwe ora uwal saka trah kalang.

Getih dagang wong kalang iku pancen nyata sebab isih cilik wis diajari ngetung duwit utawa pandai berhitung, mula omahe ora keceh banyu nanging keceh dhuwit. (*)

 

Berita Terkait

img

Samak Minggu Ini

img

img

Sumber Semangat

Wong kang paling hebat pisan kanthi idhe-idhene kang  paling brilian, bisa wae dikalahake de­ning wong kang bo­dho kanthi akale kang kerdhil. Mula tokna idhe-idhe bri­lianmu apa wae ka­hanane.

Klik

JEMBATAN NGISOR KALI

Meh kabeh, yen jenenge jembatan kuwi mlangkring ing sandhuwure banyu. Nanging ora mangkono karo jembatan kang ana ing Fort de Roovere, sacedhake Desa Halsteren, negara Landa iki. Ing kana ana jembatan kang ora mlangkring, nanging peres karo banyune. Jembatan iki pancen nyigar tlaga cilik kang banyune anteng. Dadi…. kapan maneh ya bisa nrabas banyu nanging ora teles?? (d/ist)***

Pethilan

TVRI nyoba ngrombak stigma

Saingane luwih maju banget

Sing manther anggone ngawasi praktek politik dhuwit

Emane dhuwite ora mambu…

Sing lapor SPT adoh saka target

Akeh sing ‘golput’ pranyata…