Godhong Wungu KanggoTamba Ambeien
Diposting oleh : Administrator
Kategori: Kasarasan - Dibaca: 62 kali

Ing karang padesan tanduran sing godhonge wernane wungu utawa wulung lan biyasane kanggo dha-dhah (watese pekarangan) dijeneng-ake wit wungu. Tanduran sing asli saka Irian sisih wetan kasebut klebu keluwarga Acanthaceae bisa urip ing ngendi wae, wiwit panggonan sing endhek nganti sing dhuwur.

Wit wulung (grapthophylium pic-tum) ing Sumatera karan pudin, ing Bali disebut temen, dene ing Madura kanthi aran karaton.

Ing padesan, godhong wulung wis puluhan taun dipercaya minangka obat ambeien utawa wasir kang ampuh. Utamane lelara ambeien kang wis tetaunan, siji-sijine upaya kesehatan ya kudu dioperasi. Akeh-akehe warga padesan wegah nindakake upaya ka-sebut. Jarene lelara kang wis mambu peso operasi bakal gedhe pengaruhe mring kahanane badan. Jare yen wis dioperasi badan bakal ringkih, tenaga-ne suda, mangka ing padesan baba-gan karosan wigati banget kanggo golek panguripan. Wasana ya akeh sing emoh operasi lan mlayu golek tamba alternatif utawa ngunjuk racikan jamu.

Ing kapustakan diterangake mena­-wa lelara ambeien utawa wasir iku mu-judake anane pembengkakan pembu-luh. Utawane perangan kang paling ngisor poros usus. Trepe ing njaba utawa ing njero bolongan dubur. Ing panggonan kasebut katon warna abang semu biru utawa malah ireng. Kabeh iku mujudake anane abuh kang dise-babake anane gangguwan aliran getih, gangguwan limpa lan angel bebuwang kang wis mataun-taun. Uga kakehan lungguh (sopir/penjahit) lan uga para ibu kang nembe ngandhut krana anane tindhihan rahim kang mundhak gedhe tumuli ndeseg poros usus.

Kahanan kasebut yen ora enggal diusadani bisa tambah mbabrah nganti ngetokake rah. Mesthi wae kahanan kang kaya mangkono kuwi mujudake pasiksan kang banget nyedhihake.

Miturut kapustakan ing godhong wungu nduweni kandhutan flavonoid, glikosid steroid, saponin, tanin lan lendhir. Senyawa flavonoid nduweni sipat anti inflasi (pembengkaan) saengga gedhe cilike bakal bisa nyuda anane pembengkaan lan uga peradhangan.

 

Dicom

Kanggo kang nandhang gerah ambeien gejala awal katandha anane benjolan ing poros usus wektu bebucal, bisa mundhut godhong wulung 5-7 lembar. Sawise dikumbah resik nuli diparingake ing gelas, lan dicom banyu panas banjur ditutup. Yen wis adhem bisa diunjuk. Sorene gawe maneh kanthi cara lan racikan kang padha.

Dene kanggo kang nandhang ambeien kang wis rada kasep kanthi katon anane rah nilaka bebucal, bisa mundhut godhong wulung 10 lembar. Sawise dikumbah resik nuli digodhog nganggo banyu 3 gelas, banyu lan gel lidhah buaya watara 30 gram. Diudhak nganti umob lan gel lidhah buaya melu nyampur. Yen wis kira-kira kari 2 gelas nuli diangkat lan diadhemake. Diunjuk esuk lan sore lan bisa ditambahi mau kanggo ngilangake rasa paite. Bisa diambali nganti ana owah-owahan yen bebucal ora katon ana rahe maneh.  Muga-muga andaran iki bisa migunani marang para sutresna PS. Nuwun (Syt)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik