Lindhu Maneh
Diposting oleh : Administrator
Kategori: Surabayan - Dibaca: 26 kali

“Subhanallah ana lindhu maneh, sing niki cidhek barek Surabaya, dhuk Daerah Sumenep barek Situ­bondo, laporan awal gedhene lindhu 6,3 SR, gak sampek nimbulna tsunami, barek kerusakane gak nemen, cumak kabare onok sing dadi korban wong telu tiwas. Kabar sing komplit encene gurung onok wong kedadeyane lagek isuk mau Kemis jam teluan ngarepna Subuh. Dulur lindhu-lindhu koyok ngene niki isik isok kelakon ndhuk ngendi-endi ndhuk wila­yah Indonesia, mergane encene Indonesia niku ra­wan lindhu. Cumak sing dadi takonan, apaa sing arane lindhu niki kok terus-terusan, apa niki duduk Gusti Allah ngelingna awak dhewe merga wis salah langkah kakehan dosa, barek kurang eling barek Gusti. Nah niki dulur ayok dipetani, temen tah sing arane tindak culika niku wis dadi budayane awak dhewe, sing siji nggethu merangi korupsi, sing si­tuke maneh akeh-akehan korupsine, sampek wis gak etungan maneh sing arane pejabat gak perduli eksekutip, legislatitp barek yudikatip kenek sing ara­ne kasus korupsi,” kandhane  Ning Sumeh ndhuk bala-balane.

“Awak dhewe encen kudu prihatin temen kok dulur, nontok akehe pejabat sing kejiret kasus ko­rupsi. Iku tandha padha rebutan dadi pejabat niku ujung-ujunge gae ngumpulna dhuwik saakeh akehe gak kepengin ngabdi yok apa supayane Ne­gara kita niki maju rakyate urip mulya tapine ke­pengin ngumpulna dhuwik,” sauté cak Bedja.

“Makane dulur awak dhewe niki kudu ngakeh-akeh istigfar, apa saniki encene wis gak onok wong apik apa yok apa, kok sing arane pejabat niku ke­toke apik tibake, keri-kerine kesangkut kasus ko­rupsi. Ayo dulur nek encene sing arane korupsi ni­ku dadi budaya, saniki awak dhewe kudu isok ngilangi sing arane korupsi niku kambek budaya malu korupsi, kolusi, nepotisme,” sambunge Cak Ari.

“Nek saniki Gusti Allah wis njewer supaya dha mareni tindak culika, prasaku nek isik onok sing culika ya kenemenen. Nek tak rasakna sing arane pejabat niku kadhang ya nindakna ibadah, tah ibadahe niku muk cik dialem barek wong tah yok apa. Sing penting maneh ayo dulur, wis wong liya apa jare sing penting saniki keluarga dhewe ayuk padha dijaga supayane ojok sampek culika, ngiba­dahe ditingkatna ojok lali terus dzikir, supayane nek onok apa-apa isok kalis barek sambikala,” tambahe   paklik Dur.

(Sing ngakeh-akeh dzikir barek ningkatna iba­dahe: Cak Ali, Cak Bedja, Pak Lik Dur barek Ning Sumeh)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik