Sedhekah Laut Nelayan Asemdoyong, Pemalang
Diposting oleh : Administrator
Kategori: Kejawen - Dibaca: 59 kali

Para nelayan pesisir Desa Asemdoyong, Kec. Taman Kab. Pemalang, Jateng, mentas iki  mengeti warsa enggal Islam, kanthi nganakake Sedhekah Laut arupa endhas kebo lan maneka panganan utawa jajan pasar kanggo dilarungke menyang tengah segara.

Endhas kebo lan maneka panganan jajan pasar sarta inuman diwadhahi prau cilik rong macem, sing pancen mligi digawa kanggo Sedhekah Laut kuwi. Kanggo nggawa prau-prau “mini” mau menyang tengah segara nganggo prau gedhe utawa prau nelayan Asemdoyong, kang banjur dietutake prau-prau nelayan liyane sing ana ing kono.

Larung sesaji cubdhuk kalwan kapercayan para nelayan supaya entuk berkah lan keslametan jroning golek nafkah, lan ngajap bisa kalis saka musibah kacilakan ing segara sarta entuk kasil kang akeh, saengga bisa nambah kasejahteran para nelayan.

Jrone baritan Asemdoyong najan tansah lumaku aman lan lancar, nanging uga disiyapake penjagaan saka aparat keamanan, merga sawetara tau kepungkur nate kelakon  kacilakaan prau nalika nglarung sesaji sing njaluk kurban jiwa lan bandha Dadi sifate petugas keamanan kanggo jaga jaga manawa samangsa ana musibah.

 Miturut Kapolres Pemalang AKBP Agus Setyawan liwat Kasubag Humas AKP Liestyowati nelakake, jrone kegiyatan baritan warga Asemdoyong kuwi wis katata rapi becik rerangken kegiyatane lan sistem pengamanane. Polres ngerigake kehe 89 personil kanggo penjagaan iya kang ana ing pesisir apadene ing lokasi liyane.

 ’’Nalika nglarung sesaji sedhekah laut petugas Polri dipimpin Kasat Polair AKP Sunardi uga nindakake pengawalan menyang tengah segara nggunakake kapal patroli,’’ tuture Liestyowati.

 Kegiyatan larung sesaji utawa kang kondhang kanthi aran baritan iku, teruse Kasubag Humas AKP Liestyowati, wis kelakon wiwit jaman biyen minangka tradhisi taunan. Sesaji arupa endhas kebo jajan pasar lan maneka wertna panganan ssrta inuman dilarung ing tengah segara dening para nelayan kanthi iringan puluhan perahu.

 Rawuh nyekseni Baritan Asemdoyong, antara liya Kapolres Pemalang AKBP Agus Setyawan, Wakapolres Kompol Arianto Salkery, muspika lan pejabat liyane.

(Imam As)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik