Meh Gagal, Guntur-Zaki Mborong Medhali Para-renang
Diposting oleh : Administrator
Kategori: Olahraga - Dibaca: 56 kali

Indonesia kasil ndominasi oleh-olehan medhali ing pertandingan para-renang nomer 100 meter gaya dhadha putra SB8 Asian Para Games 2018.

Atlet para-renang Indonesia, Guntur lan Zaki Zulkarnain, oleh medhali perak lan perunggu jroning perlombaan para-renang kang digelar ing Stadion Akuatik, Senayan, Jakarta, Selasa kepungkur (9/10/2018).

Guntur nyabet medhali perak kanthi cathetan wektu 1 menit 19,35 dhetik, dene Zaki oleh perunggu sawise finis kanthi wektu 1 menit 19,95 dhetik.

Guntur satemene meh wae gagal oleh medhali. Dheweke meh kalah saka Zaki kang wusanane finis ing urutan katelu.

Nanging Guntur lan Zaki diuntungake dening perenang China, Guanglong Yang, kang didiskualifikasi ing babak final. Kanthi mangkono, kekarone perenang Indonesia iku bisa finis ing urutan kaloro lan katelu. Medhali emas saka nomer pertandingan iki dadi duweke atlet China, Xu Haijao, kang nyathetake wektu 1 menit 11,74 dhetik.

Indonesia isih duwe kalodhangan maneh nambah me­dhali saka cabor para-renang. Salah sijine yakuwi kanthi pe­nampilan Syuci Indriani ing babak final nomer 100 meter gaya punggung putri S14.

 

Tim Goalball Putri Methik Asil Nyengengake

Sauntara kuwi asil mongkogake uga dipethik tim goalball putri Indonesia ing dina pertama babak penyisihan grup Asian Para Games 2018, Minggu kepungkur (7/10/2018)

Main ing sangarepe pendukunge dhewe kang ngebaki Balai Kartini, tim goalball putri Indonesia bisa ngalahake Laos kanthi skor tipis 3-2 ing ajang Asian Para Games 2018.

Partai iki sekaligus minangka tandha yen kiprahe skuat goalball putri Indonesia ing pesta olahraga sa-Asia khusus disabilitas ksb cukup kuwat.

Para Srikandi Tanah Air langsung mbukak panga­rep-arep nalika mimpin 1-0 ing babak pertama ca­bang goalball. Mlebu ing babak kaloro, tim ruan rumah wiwit oleh serangan sengit saka Laos.

Gawang Indonesia malah sempat kebobolan kaping pindho lan ndadekake skuat Merah Putih ketinggalan.

Nanging, tim goalball putri Indonesia bisa bali mbalikake kahanan maneh sadurungu nutup babak kaloro kanthi kemenangan 3-2.

Indonesia sabanjure bakal ketemu Thailand ing pertandingan kaloro, Senin. (d/ist)***

 

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor