Kanggo Njaga Endahing Kutha, Ora Oleh Masang APK Sembarangan
Diposting oleh : Administrator
Kategori: Yak Opo Kabare - Dibaca: 27 kali

Kanggo njaga endahing kutha, Pemkot Surabaya ora ngolehi masang alat peraga kampa­nye (APK) ing sembarang panggonan. Papan kang oleh dipanggoni masang pernik-pernik kampanye mapagake pileg lan pilpres taun ngarep cacahe mung 28. Dene yen ana sing nerak aturan bakal lang­sung ditertibake dening satpol PP.

Cacah 28 titik kasebut kanggo APK rong jinis. Baliho ing 12 panggonan lan span­dhug ing 16 panggonan. Sing ora diolehi mujudake we­wengkon jalur pedestrian apadene wewengkon pena­ta­an. Kejaba iku, pamasange APK ora diolehake ing sakiwa tengene ruas jalan provinsi. Daftar panggonan larangan kasebut cukup dawa, ing sa­kabehing Surabaya ana 72 panggonan.

Kepala Satpol PP Suraba­ya Irvan Widyanto nerangake yen pelarangan pemasangan APK kasebut nylarasake karo perda kang wis ana. Trepe, Perda Nomer 2 Taun 2014 nge­nani Ketertiban Umum. Kejaba iku, pehake ngukuhi Perda Nomer 10 Taun 2009 ngenani Penyelenggaraan Pajak Reklame. Spandhuk lan baliho klebu jinis reklame kang diatur pemkot.

Ing pasal 23 disebutake, reklame ora oleh dipasang ing cagak lampu lalu lintas, rambu-rambu lalin, cagak lis­trik, telepon, pager, sarta wit-witan. Spandhuk ora oleh di­pasang nyabrang sembara­ngan ing ndhuwur ruas jalan jalaran dianggep bakal ngganggu pandengane wong sing numpak kendharaan. “Tujuwane, APK ora ngrusak kaendahaning kutha kang wis tumata apik,” tandhese Irvan mentas iki.

Sawatara iku Kepala BPB Linmas Surabaya Eddy Chris­tijanto nerangake yen wis ana pasarujukan gegayutan teknis APK. Panggonan, jinis, jumlah, engga ukuran APK wis diatur ing Keputusan KPU Kota Surabaya Nomer 1567/PL/01/5-Kpt/02/Kota/IX/2018.

“Pamasange APK uga kudu antuk idin saka sing duwe panggonan,” jlentrehe Eddy.

Saka 72 panggonan lara­ngan kasebut, 40 ing antarane mujudake jalan provinsi. Sisa­ne yaiku jalur pedestrian lan laladan penataan kang kudu bebas saka reklame kampa­nye.

“Dene sing oleh dipasa­ngi ana ing 16 titik kanggo span­dhuk lan 12 titik kanggo ba­liho,” jlentrehe Eddy.

Panggonan-panggonan sing diolehake, antara liya, Jalan Jemur Andayani, Jalan Dharmawangsa lan Jalan Ke­dungdoro. Panggonan kase­but ditemtokake klawan te­tim­bangan ora klebu we­wengkon penataan lan isih ana ruwang kang cukup kanggo wong mlaku. Saliyane titik-titik pemasangan, KPU ngatur ukuran gedhene APK. Kanggo spandhuk yaiku, 1,5 x 7 meter lan kanggo baliho 4 x 7 meter. KPU nyepakake 600 atribut kampanye, sawa­tara sisane dicepakake dhe­we dening parpol lan caleg. Paling akeh 20 ewu APK.

Sakehing panggonan ka­sebut wis disarujuki beba­rengan antarane KPU lan Ba­waslu sarta bakal diumumake marang parpol lan para ca­leg. (Bsh)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik