Fenomena Likuifaksi
Diposting oleh : Administrator
Kategori: Surabayan - Dibaca: 62 kali

“Lindhu gedhe mari gae sara-e dulur NTB  gae horeg maneh ndhuk Sulawesi Tengah, sing ndhuk Palu niku njaluk korban sampek ewon, mergane gak muk lindhu ae tapi onok tsunami barek fenomena likuifaksi. Lha niki sing nggarahi korbane tambah akeh. Sampek saniki isih akeh maneh korban sing gurung ketemu. Bayangna pas wayahe magrib sing arane lindhu niku nerjang Palu barek Donggala. Merga saking bantere akeh gedhung sing ambruk barek sing mangan korban akeh yaniku fenomena likuifaksi, sing arane omah niku koyok kese­dhhot lemah ambles, niku kelakon ndhuk pirang pirang enggon malah onok sing sak kampung ilang, koyo ndhuk Petobo Kota Palu, ambles ketutup lendhut ireng pisan. Merga kalokane ndadak warga gak isok nylametna awake. Korbane akeh tapi gurung isok diteleki merga kuwatir tanahe ambles maneh. Ambles sampek limalas meter. Ana maneh ndhuk Perumnas Balaroa, dhuk rong lokasi niku akeh korban sing kurugan lemah saomahe pisan. Korbane isok sampek ewonan, tapine sampe saniki gurung diteleki. Amblese lemah mari gempa niku ilmuwan nyebut likuifaksi, utawa lemah sing malih lembek merga gempa lan banyu lemahe munggah. Gae wong Indonesia niki fenomena anyar,” omonge Ning Sumeh barek ngondhog-ondhok merga trenyuh.

“Encene jare ilmuwan onoke likuifaksi merga  gunca­ngan lindhu. Kondhisi material geologi ndhuk njero lemah kenek pengaruh. Pas onok  guncangan, lemah malih empuk merga sing arane banyu ndhuk ngisore munggah. Merga volume banyune tambah akeh lemah polih koyok endhut akibate bangunan ndhuk ndhukure perumahan, wit witan mlaku alon-alon lan terus ambles koyok kesedhot,” sauté cak Bedja.

“Ooo dadi gampange sing arane likuifaksi niku  proses metune endhut saka lapisan lemah akibat horege lindhu terusan nyebabna lapisan lemah sing awale atos, cam­pur barek banyu  terus dadi endhut. Kekuatane lemah polih kurang akibate bangunan dhuk dhukure  ambles. Likuifaksi adate kedadean ndhuk laladan sing kedadeyan merga endapan,”  tambahe Cak Ari.

“Dulur Fenomena likuifaksi hebat ndhuk Perumnas Petobo barek Perumnas Balaroa ndhuk Kota Palu, kudu dadi pembelajaran kabeh ae, pembelajaran sing larang regane barek korban jiwane gak thithik. Bayangna likuifaksi sing kelakon ndhuk  Perumnas Balaroa ngurug omah 1.747 unit. Terusan sing ndhuk Perumnas Patobo ana kira-kira omah cacah  744 unit. Iku gurung ketung pira korbane. Ya muga-muga dulur sing dadi korban lindhu ndhuk Sulteng niku disepura kabeh dosane, ditampa amal becike. Sing slamet diparingi kesabaran nampa coba,”  kandhane  paklik Dur.

(Sing melok belasungkawa : Cak Ali, Cak Bedja, Pak Lik Dur barek Ning Sumeh).

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik