Senajan ana Prahara ing Palu Asian Para Games 2018 Diajap Tetep Lancar
Diposting oleh : Administrator
Kategori: Olahraga - Dibaca: 65 kali

Masyarakat Indonesia lagi jroning kahanan bela sungkawa sawise anane prahara lindhu lan tsunami kang nerak Palu lan Donggala, Sulawesi Tengah. Lindhu kanthi kekuwatan 7,4 richter lan diterusake alun tsunami mau gawe tiwase atusan wong, sarta ngra­takake puluhan ewu omah penduduk.

Prahara iki kedadeyan Jumat (29/9/2018) sore, utawa se­minggu ngarepake pembukaan pesta olahraga disabilitas Asian Para Games (APG) 2018.

Senajan mangkono presiden Republik Indonesia Joko Wi­dodo tetep ngajab Panitia Pelaksana APG 2018 (Inapgoc), lan kabeh kementerian sarta lembaga amrih njaga antusi­asme ajang ksb, senajan Indonesia mentas kena prahara.

“Presiden uga ngarepake amrih kita tetep njaga kea­kraban yen Indonesia kudu bisa dadi negara pa­ling sukses jroning nggelar Asian Para Games iki,” ujare Ketua Umum Inapgoc Raja Sapta Ok­tohari.

Tumekane saiki, ujare Okto, persiapan Asian Para Games 2018 kang gegandhengan karo ve­nue pertandingan, wisma atlet, sponsor, lan ma­neka aspek liyane wis lumaku kanthi becik.

Okto uga nandhesake, kesuksesan APG 2018 iki dadi salah sijine wujud partisipasi lan hadiah hiburan kanggo masyarakat ing Palu, Donggala, sekaligus Lombok kang uga kena lindhu 2 wulan kepungkur.

Asian Para Games 2018 bakal nandhingake 18 cabang olahraga. Ajang olahraga disabilitas paling gedhe ing Asia iki bakal dieloni 43 negara peserta.

 

Kari dipoles, venue APG 2018 siap dipigunakake

Asian Para Games 2018 bakal res­mi digelar minggu iki lan persiapan venue pertandingan uga terus ditin­dakake dening Inapgoc minangka panita penyelenggara. Ajang olahra­ga khusus tuna graita iki bakal dires­mekake ing Stadion Utama Gelora Bung Karno (SUGBK), Setu tanggal 6 Oktober iki.

Wakil Deputi 1 Games Operation Inapgoc, Richard Sam Bera terus nge­cek menyang sawenehing venue. Sa­lah sijine yakuwi menyang Stadion Aquatic Gelora Bung Karno (GBK), Jakarta.

Richard mesthekake yen kabeh venue jroning kondisi siap senajan isih ana sawenehing bab sing kudu digarap. “Sing paling penting iku field of play. Sejatine, kabeh venue, klebu kang ana ing sanjabane GBK, wis siap. Sing isih lagi digarap yakuwi look and view-ne wae, yakuwi hiasan lan per­nak-pernike, kanggo nambahi edi penine venue iku dhe­we,” ujare.

Kondisi tanpa hiasan iki uga katon ing sawenehing area GBK. Jarang katon anane atribut-atribut kang gegandhengan karo Asian Para Games 2018. Malah sing isih ana yakuwi pernak-pernik Asian Games 2018 kang wis rampung 2 September ndhisik. Mangkono tandhese tilas atlet renang nasional iku. (d/ist)

 

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor