Delima Becik Kanggo Mbrastha Cacingen
Diposting oleh : Administrator
Kategori: Kasarasan - Dibaca: 32 kali

Delima (Punica granatum L) arane woh-wohan kang asale saka Timur Tengah. Sumebar ing laladan tropik nganti subtropik. Saka laladan kang cendhek nganti watara 1.000 diatas permukaan laut (dpl) ing dharatan sing mlebu segara (semenan­jung) Aceh, woh kang wangune bunder wernane kuning utawa wu­ngu semu ireng kasebut Gli­ma, Dalimo (Batak), Dhali­ma (Madura), malah ing ka­rang padesan Jawa Te­ngah ana sing nyebut Gang­salan.

Woh delima nduweni isi (wiji) kang wernane putih, abang lan wungu. Cacah isine akeh banget lan rasa­ne ana sing legi lan kecut. Ing karang padesan isih ana kapercayan (mitos) kang nyebutake menawa ibu kang ngandhut sepisanan diprayogakake dhahar rujak delima, ing pangajap mbe­suk jabang bayi kang di­lairake lanang, bagus kaya Raden Janaka (wayang). Dene yen mijil putri, ayune bisa kaya Dewi Sumbadra. Bener orane mung nyu­mang­gakake.

Tanduran delima bisa kanggo tamba werna-werna. Wiwit kli­kane (kulit kayu), kulit oyod, kulit uwoh, isi uwohe lan kembange.

Cacingen mujudake lelarane bocah cilik-cilik. Tandhane rambute abang (ora sehat), mripate raceken (istilah ndesa) kang mengku karep mripate tansah kri­yip-kriyip nadya ora kena sunar padhang. Dene sing katon cetha wetenge njem­bling lan awake kuru. Dadi persis kaya ing gambar obat cacing weton pabrik kae. Saka akehe cacing ing wetenge, asupan pangan sing mlebu dadi rebutane cacing mula awake malih dadi kuru.

 

Cacingen

Sadurunge obat cacing weton pabrik ana, sedulur-sedulur karang padesan biyen adhedhasar kawruh turun tumurun saka pini sepuh wis ana kang nemokake obat cacing saka woh delima. Carane, mundhut oyod delima kang wis diga­ringake kehe 10 gram. Sawise dikumbah resik nuli dirajang kira-kira 2 cm-an. Nuli digodhog nganggo banyu 2 gelas nganti umob. Disaing lan didhem. Dene yen arep diinumake marang putra-putrine bisa ditambahi sirup utawa gula batu sacukupe.

Kanggo kang lagi nandhang sariawan utawa radhang gusi, mundhut kembang delima cacah 8-10 iji (gumantung gedhe cilike kembang) sawise dikumbah banjur digodhog nganggo banyu 2 gelas nganti umob. Sawise disaring bisa kanggo ke­mu esuk lan sore. Diambali nganti mari.

Delima uga bisa kanggo ngusadani swara kang serak utawa gorokan krasa garing. Woh delima 1-2 sawise kulite dibuwang, isi delima banjur diblender lan disaring. Banyune bisa diunjuk esuk lan sore.

Miturut panaliten tanduran delima nduweni campuran alkoloid pelletierene, granatin, betulic acid, elligatanin, resin, kalsium oksalad lan pathi. Campuran alkaloid pelletierene mujudake zat be­racun (toksin) sing nyebabake cacing ge­lang, cacing pita, lan kremi ing njero weteng padha lumpuh lan mati.

Delima pancen ampuh kanggo mbras­tha lara cacing. Nuwun. (Yatno)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik