Jula - Juli
Diposting oleh : Administrator
Kategori: Rena-rena - Dibaca: 14 kali

DPRD Kota Malang sing anggotane ana 45, sing 41 klebu Ketuwane nembe iki dadi bandane KPK merga padha ngakali dana APBD (P) 2015. * Gedung dewan meh komplang merga anggotane sing kemplu, suk be­bas saka penjara kari kample-kample.                                                                   

***

CAWAPRES Sandiaga Uno gela, Erick Tohir sing sukses mimpin Asian Games 2018 kok gelem didadekake Ketua Timses Jokowi-Ma’ruf Amin. * Wong yen wis cukup finansi, pengin uga gengsi, dhasar darbe prestasi, sampeyan ora perlu melu-melu emosi.                                                                   

***

NOMER urut pasangan Capres 2019 wis diundhi KPU, pasangan Jokowi-Ma’ruf Amin entuk nomer siji lan Prabowo – Sandiaga Uno nomer loro. * Jokowi pengin njabat kaping pindho, Prabowo uga emoh kalah pindho, para pendukung cukup stel kendho!                                                                   

***

PASEDHIYAN beras cukup, mula Kabulog Budi Waseso nguwuh Kemendag aja impor maneh, su­prandene Kemendag tetep impor. * Saka  impor ana pehak sing entuk “opor”, mula ben ta sing menging lambene nganti nye­por, tekade sengara kendhor.                                                                    

***           

WEKASANE Budi Waseso nganti misuh “matamu” marang Mendag, merga urusan gu-dang Bulog dianggep Enggartiasto dudu urusan pemerintah. * Nek ngono apa Men-dag Enggartiasto nganggep, Bulog iku wer-dine  mung: Badan Urusan Tidak Logis?

***

LEWAT pakta integritas 17 werna, Ijtimak Ulama II nanting Prabowo, yen dadi Presiden kudu saguh ndalani Habib Rijiek bali menyang Indonesia. * Njagakake kok karo sing isih bakal, tokoh terkenal patrape mokal-mokal, wekasane ya banjur kenang cekal.                                                                    

***

AKTIVIS Ratna Sarumpaet nempuhake pemerintah, amarga dana Papua Rp 23 triliun saka turunan raja-raja Nusantara ilang jro­ning rekening bank. * Kabeh-kabeh nya­lahake pemerintah, wong wis dadi em­bah-embah, omongane kok saya ora nggenah.                                                                   

***

KETUM Demokrat SBY mutung ninggalake deklarasi Kampanye Damai, awit massa Projo muni: Dukung Jokowi, Bang. * Sajake mawi-nga-winga jejabang, wong dadi presiden gak nate tumbang, kok diceluk mung Bang, lali yen asmane nganggo Bam­bang?                                                                   

***

JARENE KPK, akeh uthute Partai Golkar bakal melu dadi tersangka, amarga penguruse padha keciprat­an dana proyek PLTU Riau-1. * Atine politisi Golkar padha kawir kowar, awit yen Partai Golkar nganti bubar, ateges durung gol wis nyekakar.

***

CAWAPRES Sandiaga Uno kandha, kalangan emak-emak ing Medan bingung, dhuwit Rp 100.000,- saiki mung entuk brambang-lombok. * Yen tukune pirang-pirang teng-gok, iku dudu  barang elok, mula aja waton ndopok, mundhak ana sing kecenthok.                                                                   

***

BARENG mertinjo kutha Solo, Sandiaga Uno gumun setaun, awit sotone Pak Timbul ing Pa­sar Kembang semangkok isih entuk Rp 5.000,- * Iku jenenge entuk pameleh, calon Wapres kok ngrembug sing remeh temeh, mengko diarani asal ngomeh.                                                                   

***

GUGATAN eks napi korupsi ora entuk dadi Caleg dimenangake Mahkamah Agung, saengga KPU kudu njabel aturan sing nabrak UU. * Merga putusan Mahkamah Agung, eks koruptor rumangsa diugung, aja kedu­wung yen eks koruptor saya mberung.                                                                    

***

WEKASANE kanthi kepeksa KPU nglolosake 38 bakal Caleg mlebu DCT (Daftar Calon Tetap), nanging jenenge bakal diumum-ake ing TPS. * Mengkone pemilih kudu sing tlesih, eks napi koruptor aja dipilih, gagal nyaleg kareben bakulan winih.                                                                   

***

BUNI Yani sing kasil ngalahake Gubernur Ahok ing Pilkada liwat gaman SARA, digandheng Ca-pres Prabowo dadi anggota Tim Sukses. * Dipitaya dadi Timses, mangka kasus hukume durung beres, yen gaweyane  ora sukses, Buni Yani bisa kena lara ngeces!                                                                   

***

SENAJAN nate dadi napi korupsi,  Wakil Ketua DPRD M. Taufik (Gerindra) meksa nginceng jabatan Wagub DKI sing ditinggal Sandiaga Uno. * Wong jenenge wis arum clurut, ana jabatan Wagub meksa kenyut, kuwi je-nenge politisi sing ora nyebut.

***

HARINGGA Sirila suporter Persija Jakarta tiwas digebuki suporter Persib Bandung, rikala per­tandingan bola ing Stadion GBLA Ban­dung. * Mung mbelani bal ngglundhung kok kebangeten olehe ngudung, wekasan nyawane melu ngglundhung. _(GTS)

***

MANUT Dirut dr Fahmi Idris, BPJS Kesehatan nombok nganti matrilyun-trilyun, awit wong klaim lara jantung wae saben taun ngentekake dana Rp 9,4 trilyun. * Kepriye anggone ora jantungan, rakyat judheg mikir reregan, politisine padha mburu kekuasaan.

***

(GTS)

Berita Terkait

img

Samak Minggu Ini

img

img

Sumber Semangat

Saben masalah kang muncul bisa gawe ajur utawa bisa ndadekake kuwat ...

Klik

DREAM SEREM

Ora sateruse bangunan utawa gedhong kang digawe menungsa bakal terus dipigu-nakake lan diramut. Akeh bangunan kang wusanane ditogake mangkrag ngono wae. Saengga jroning wektu tinamtu bali dijaluk dening alam. Kaya dream molen iki upamane. Sawise ora dipigunakake lan dianggurake ngono wae mula malih dadi ‘dream serem’ merga akeh dirambati tanduran ing kana kene. (d/ist)***

Pethilan

Pemerintah nyiapake dana kelurahan

Mesisan kampanye!

Mogok guru ing Mimika, Papua, tanpa solusi

Padha lali sajake, ora dadi pejabat yen tanpa guru

Jokowi: Bangun optimisme

Sing pesimis nyemplung segara ae