Pemutihan
Diposting oleh : Administrator
Kategori: Surabayan - Dibaca: 26 kali

“Kaya taun sing uwis-uwis taun niki Pemprov Jatim nganakna pemutihan gawe kendharaan sing telat mbayar pajege. Pemutihan niki dimulai tanggal 24 September 2018 wingi sampek enkuk tanggal 15 Desem­ber, tujuan pemutihan niki ya kejabane gae ngentheng-enthengna wajib pajak ya gawe ngupaya mlebune pa­jeg kendharaan sing padha telat niku mau supaya gelem mbayar. Pemutihan gae dhendha pajeg kendha­raan bermotor (PKB) barek sanksi administrasi bea ba­lik nama kendharaan (BBNKB). Langkah niki diba­rengna barek HUT Provinsi Jawa Timur. Ayo dulur sing pajege dha mati niku, supayane nek lunga ndhuk endi-endi tenang nggak wedi barek cegatan niki kesem­patan apik gae mbayar pajeg gak athik tambahan denda. Tibake kendharaan sing gurung dha mbayar pajek niku cukup akeh sampek tekan telung puluh persenan. Makane pemutihan niki diajap ngenthengna wajib pajak supaya dha nglunasi pajak kendharaane,” kandhane Ning Sumeh ndhuk bala balane.

“Iya aku wingi ya krungu kabar niku encene niki kesempatan apik,  tapi asline nek gae aku masiya kenek dhendha ya gak sepira akeh, tapi embuh wong saniki kok nek krungu onok pemutihan niki terus ketarik atine gae mbayar pajak,” sauté Cak Bedja.

Cak Ari nambahi, “Nah mumpung onok pemutihan termasuk pemutihan balik nama kendharaan bemotor gae penyerahan kedua ambek sateruse, iki ya ndang dibayar ae, ojok ngenteni engkuk nek wis wulan Desember, uyel uyelan, mum­pung lagek isih sepi lak isok santai mbayare tur maneh isok cepet gak athik antri antri bareng.”

“Iya rek aku tak mbayar pisan, aku wis telat entuk limang wulan hare, mergame sing aranne STNK niku ketriwal gak karuan genahe, barek kuncine sepedha pisan, koyoke tak tekek ndhuk omah, tapi tak teleki  sampe njememek gak ketemu, akhire sampe saniki gurung tak urus. Aku tak kongkonan arek ae tak kon lapor kehilangan dhikik ndhuk kepolisian mari ngono tak uruse dhuk samsat. Asline aku niku males nek kon ngurus ngurus, masia saniki sing arane mbayar pajek kendharaan bermotor gampang. Pokok onok KTP barek STNK ne nek muk pengesahan ndhuk endi endi panggonan akeh counter, onok sing ndhuk mal, ndhuk lapangan, barek onok sing killing. Ancene tak piker awak dhewe niki kebacut, pemerintah wis nggam­pangna tapi awak dhewe niki tetep ae males,” kandhane paklik Dur.

(Sing siap mbayar pajek kendharaan bermotor: Cak Ali, Cak Bedja, Pak Lik Dur barek Ning Sumeh)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik