Lawn Bowls, Olahragane Pensiunan
Diposting oleh : Administrator
Kategori: Olahraga - Dibaca: 80 kali

Ing Asian Para Games (APG) 2018 mengko, masyarakat Indonesia bakal bisa ngenal sawenehing cabang olahraga kang sadurunge isih dianggep asing, salah sijine yakuwi lawn bowls, utawa dikenal uga minangka boling lapangan. Manut kandhane pelatih lawn bowls Indonesia, Islahuzzaman, cabang olahraga iki satemene wis ana sajege taun 1800-an.

Ing kawasan Eropa, utamane ing Skotlandia, lawn bowls akeh-akehe dimainake dening wong-wong kang wis padha pensiun.

Sacara teknik, lawn bowls pancen ngadopsi sithik saka olahraga boling. Nanging, mesthi wae ana sawenehing peraturan lan perlengkapan kang ndadekake beda.

Lawn bowls dimainake ing lapangan suket (utawa karpet) dening tim loro kang dumadi saka 1-4 pemain.

Saben tim bisa mainake maneka nomer pertandingan, yakuwi nomer tunggal (putra-putri), gandha (putra-putri-campuran), triple lan fours. Nanging ing APG 2018 iki, nomer kang dimainake mung tunggal putra-putri lan gandha campuran.

Ing APG 2018, cabang olahraga lawn bowls bakal nandhi­ngake 7 klasifikasi, yakuwi B1 (wuta total), B2, B3, B4 (low vision), B6 (kursi rodha), B7 (disabilitas sikil), lan B8 (disabilitas tangan).

Indonesia dhewe kacathet ndaftarake atlet 18 kang du­madi saka 9 putra lan 9 putri ing klasifikasi B6 (gunggunge 2 tim) lan B7 (2 tim). Ing cabang olahraga iki, Indonesia bakal saingan karo Korea, Hongkong, Malaysia, Jepang, lan Sing­gapur.

 

I Wayan Damai, Pelukis Difabel kang Aktif dadi Atlet Lawn Bowls

Sauntara kuwi perjuangan I Wayan Damai minangka tuna disabilitas pantes dianggep minangka inspiratif. Priya asal Ubud, Bali, iki, mbuktekake yen winatese fisik dudu pepalang kanggo makarya ing sakehing bidang.

Damai, julukan akrabe, ngalami disabilitas ing bagian sikile merga kena polio nalika cilik. Sedina-dinane, Damai kudu mi­gu­nak­ake kursi rodha. Nanging, jroning kondisi kuwi, produktivitase ora bisa disepelekake.

Kanthi rasa percaya diri lan semangat sinau kang dhuwur, Damai bisa ngasilake maneka karya lukisan indah.

Damai uga ora mung aktif minangka seniman. Dheweke ngaku uga nyambutgawe kaya wong-wong umume.

Ing Bali, dheweke nyambutgawe ing sawijining perusahaan kerajinan tangan Mitra Bali. Malah, kadhang Damai uga dadi pemandu wisata (guide) kanggo turis-turis asing. Lan, merga rumangsa bisa nindakake kegiatan ing babagan liyane, Damai banjur nyoba aktif ing jagading olahraga.

Manut Damai, kawitan dheweke ambyur ing olahraga mung merga kanggo njaga segere awak wae.

Olahraga pisanan kang dilakoni yakuwi bola basket wheelchair, alias main basket nganggo kursi rodha.

Bebarengan kanca-kancane ing Bali, Damai aktif main basket wheelchair nganti nggabung ing sawjining klub.

Saka olahraga basket, Damai njajal cabang liyane, para­cycling, kang ndadekake jenenge minangka atlet difabel saya kondhang. Ora tanggung-tanggung, Damai tau nyabet medhali loro sekaligus ing ajang Asean Para Games 2017 ing Malaysia, yakuwi perak lan perunggu.

Ora marem karo basket lan paracycling, Damai banjur nyoba lawn bowls, sawijining cabang olahraga kang satemene isih asing ing Indonesia. Damai kesengsem lawn bowls merga olahraga iki mbutuhake konsentrasi dhuwur sarta swasana ati kang apik. Damai kepetung wis ngenal lawn bowls saka komunitase ing Bali sajege 3 taun kepungkur. Nanging, dheweke ora ambyur ing olahraga kuwi kanthi rutin. Lan sawise keri-keri iki tlaten ing olahraga lawn bowls, Damai wusanane ditetep­ake dening Komite Paralimpik Nasional Indonesia minangka atlet cabang olahraga ksb kanggo Asian Para Games (APG) 2018.

Kanggone Indonesia, iki mujudake kang pisanan ngedhuk­ake wakile ing cabang olahraga lawn bowls.

Indonesia uga dadi negara peserta lawn bowls paling enom ing antarane peserta liyane yakuwi Korea, Hongkong, Malaysia, Singgapur lan Jepang. (d/ist)

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor