Bangunan Liar ing Jl.Barata Jaya Dibongkar
Diposting oleh : Administrator
Kategori: Yak Opo Kabare - Dibaca: 60 kali

 Sawise diumumake rong taun kepungkur, ba­ngunan liar (bangli) ing Jl Barata Jaya sing cecaketan karo wewengkon Kali Brantas akhire dibongkar, Kemis (20/9)

Ing penertiban bangli iki ora ana warga kang ngla-wan. Ewasamono, penga-manan lakune pembong­karan bangli dijaga rapet dening Satpol PP lan PBP Linmas Kota Surabaya, sarta aparat saka Polres­tabes Surabaya lan anggota TNI uga dikerigake ing panggonan.

Sutini (55), warga Surabaya asal Bangkalan, Madura, nangis nalika weruh omahe dirubuhake nganggo alat berat Satpol PP.

Luh-e ora bisa diempet, ngelingi dheweke wis 21 taun urip ing bangunan iku. Sutini kandha, tuku omah dhek taun 1997, kanthi rega Rp 10 yuta.

“Aku nangis ora merga nulak pembongkaran. Aku ngerti yen iku bangunan liar lan aku ora duwe hak ndu-weni. Mung kepriye maneh, wis 21 taun aku urip ing kene, aku nangis merga sedhih kelangan saka-behane,” kandhane karo kamisesegen.

Saliyane Sutini, isih ana warga sing isih durung gelem pindhah saka bangli Jl.Barata Jaya. Solikhah (32) upamane, isih bingung arep pindhah menyang ngendi jalaran durung duwe panggonan anyar.

“Pindhahe se gampang. Mung dhuwit durung duwe. Apamaneh bajoku kerjane mung dodolan reklame,” kandhane ibu peputra telu iki, sing ngenteni bojone resik-resik barang da-gangane.

Sasuwene iki, Solikhah urip ing bangli Jl.Barata Jaya kanthi cara kontrak.

Wiwit ana kabar bangli bakal dibongkar, regane sewan omah mudhun. Wiwitane kontrak setaun regane Rp 6 yuta mudhun dadi Rp 400.000 sesasi.

“Ya aku weruh enggal digusur. Mung merga durung ana duwit, dadi durung bisa pindhah,” ujare.

Kepala Satpol PP Provinsi Jawa Timur, Budi Santoso nerangake, pengumuman penertiban bangli iki wis dianakake kaping telu, wiwit akhir 2016. Iki panjaluke Balai Besar Wilayah Sungai (BBWS) Brantas kang ngirim surat menyang Provinsi Jawa Timur.

“Wewengkon iki ba-ngunan liar cedhak kali. Nah aku sakanca koordinasi karo wilayah Surabaya, klebu Satpol PP, penertibane Jalan Barata Jaya mengulon, terus Medokan,” jlentrehe Budi, ing sela-selane ngawat-awati lakune pembong-karan.

Jalan Barata Jaya iki dawane 1 km udakara ana 56-58 bangunan liar.

Pemprov Jawa Timur, tambahe Budi, durung tumindak apa-apa tumrap para pedagang sing urip ing bangli. “Nanging mungguh-ing rumah tangga ing sisih kulon bakal antuk rusun,” pungkase Budi. (Bsh)

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor