Sangitan Bisa Kanggo Nambani Hepatitis
Diposting oleh : Administrator
Kategori: Kasarasan - Dibaca: 30 kali

Ing karang padesan tanduran iki ora oleh kawigaten mirunggan. Dianggep tetuwuhan sing ngganggu tanduran (gulma). Akeh tinemu ing papringan kang njembrung, ereng-ereng kali, lsp.

Embuh apa sebabe, kewan ingon-ingon bangsane wedhus, sapi, lan kebo ora doyan tetuwuhan kang disebut sangitan (Sambucus javanica) kang godhonge ijo lendhung-lendhung, ing pucuke ana makutha kembang awujud lintang.

Ing negara China, tetuwuhan kang ing kene isih disepelekake kanggone iki ing negara ‘tirai bambu’, atusan taun kepungkur wis digunakake kanggo nambani penyakit hepatitis (ati abuh) sing kondhang penyakit kuning. Malah miturut pinisepuh mbiyen, jarene lelara kuning bisa mari kanthi ditambani nganggo tuma (tuma rambut) diulu karo gedhang emas.

Ing ilmu kesehatan disebutake menawa lelara hepatitis (kuning) mujudake proses abuhe jaringan ati. Sing salah siji dadi sebabe merga anane virus kang nyerang jaringan ati. Saliyane virus, uga pakulinan nginum alkohol lan memangan dhaharan sing kurang ngandhut gizi.

 

Tandhane mring badan

Umume tandha-tandha lelara kuning, krasa muneg ing padharan lan kerep mutah. Napsu mangane kurang merga badan lemes lan mriyang. Yen pipis wernane kuning buthek.

Perangane mripat sing wernane putih malih semu kuning, mangkono uga kulite awak, sarta driji uga katon kuning.

Lelara kuning (hepatitis) bisa diusadani kanthi nyiapake oyod sangitan kang isih seger watara 40-60 gram. Sawise dikumbang resik nuli dirajang cendhak-cendhak. Oyod kasebut nuli digodhog nganggo banyu 4 gelas nganti umob kari separo (2 gelas). Diunjuk esuk lan sore. Bisa ditambahi gula batu utawa gula aren sacukupe. Diambali 5-7 dina.

Lelara ginjel kang katon abuh-abuh ing perangan sikil lan sakupenge mripat, uga bisa diusadani kanthi nyepakake oyod sangitan sagegem (watara 50 gram). Sawise dikumbah lan dirajang cilik-cilik nuli digodhog nganggo banyu 3 gelas. Diumobake kari nganti sagelas.Bisa diunjuk wayah esuk. Sesuke bisa gawe maneh klawan takeran kang padha. Diambali nganti abuhe kempes.

Ing negara China, balung tugel utawa abuh-abuh kena tendhangan uga bisa diusadani kanthi racikan sangitan. Carane, nyepakake 50-60 gram oyod sangitan, klika sangitan watara 50 gram, arak putih 2 sloki, lan godhong sangitan watara sagegem. Oyod, klika lan godhong sangitan didheplok alus lan ditambahi arak putih. Racikan iki bisa diblebedake perangan balung sing tugel mawa klika randhu (spalk) lan ngaso sing cukup.

Miturut kapustakan, oyod sangitan duwe kasiyat antispasmodik lan ngilangake abuh-abuh. Saliyane iku uga ngnadhut sambunigrin lan glukosida. Uga tinemu minyak ensensial, ursolic acid, beta sitosterol, alfa almirin palmitat, KNO lan tanin. Kandhutan kasebut tinemu ing oyod, klika lan godhong sangitan.

Emane, nitik pigunane kang gedhe durung akeh masyarakat kang manfatake sangitan kanthi becik. (Syt)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik