Lowongan PNS
Diposting oleh : Administrator
Kategori: Surabayan - Dibaca: 63 kali

“Nek aku isik enom ae melok nglamar dadi PNS, mumpung akeh lowongan, tapine merga wis umur barekan kok luwih seneng nyambutgae mandiri wis trima nontok ae. Lowongane encene akeh tapine sing arane pelamar ya tambah akeh maneh, soale sing arane generasi enom saniki lagek tekan puncak, generasi baby boom aliyas generasi pekerjane luwih akeh dibandhingna barek sing lansia tah sing isih arek-arek. Encene nek kepengin dadi pegawe negeri sipil niku nek muk sing arane sekolah ya sekolah sekolahan artine syukur entuk ijasah ya ojok ngarep-arep dadi pegawai negeri. Soale saingane jelas sakdhabrek barek arek-arek sing pinter-pinter sing sekolahe encene gak asal-asalan tapi sekolah temen, dadi pintere ya pinter temen gak muk asal lulus. Saniki wis gak jamane sekolah niku leha-leha, nek encene duwe cita-cita dadi pegawai negeri. Lha nek encene gak kuwat tah encene males sekolahe tah kuliahe muk asal-asalan ya aja ngarep-arep isok dadi pegawai negeri. Wis gak usum saniki nasib-nasiban, bek-beke nek nasibe apik isok ketampa. Saniki kudu temenanan. Makane dulur wayahe kit sekolah SMA tah SMK kudu wis duwe angen-angen kate dadi apa. Lha wiwit niku kudu diusahakna sing temen,” tuture Ning Sumeh ndhuk bala-balane.

“Bener niku ning, kit ndhuk SLTA arek niku kudu berjuang temen supaya dadi arek sing pinter dadine pas engkuk melok tes apa sing dituju isok ketrima. Lha nek muk sekolah pokok anggere lulus, ajok duwe pangarep-arep sing melip. Tiwas-tiwas gak katene isok keturutan,” imbuhe Cak Bedja.

Cak Ari melok omong, “Cilakane saniki arek kurang temen sinaune, akeh sik muk seneng obyang-ubyung barek ketungkul dolinan HP, nek kluyuran ngalor-ngidul sing gak karuan karepe. Engkuk nek wis lulur SLTA bigung mergane gak isok mlebu sekolah sing dikarepna, terusan asal kuliah, pokoke sekolah.”

“Lha niku dulur saniki sing akeh koyok niku lulus saka SLTA polih telek pegaweyan sak entuk-entuke, utawa kuliah pokok kuliah gak ngerti jurusan sing dipilih terusan engkuk dadi apa, sing akeh saniki koyok niku. Makane engkuk pas lulus kuliah ya bingung maneh, kate kerja apa, kate kerja sing cocok barek jurusane tah, mbok ya angel, lowongan pegaweyan sing onok ya terbatas, akhire pokok kerja gak sesuai barek pendidikane, tinimbang nganggur. Lah sing koyok niki kudu dipikir sing temen. Apa tah gak apik gae kesempatan kerja dhewe. Artine mandiri. Cumak ya butuh jiwa sing ulet,” kandhane paklik Dur.

(Sing wiraswastaan ae: Cak Ali, Cak Bedja, Pak Lik Dur barek Ning Sumeh)

 

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor