Santri Undhig
Diposting oleh : Administrator
Kategori: Banyumasan - Dibaca: 38 kali

Egin nang latar, Kebayan Dikin wis celuk-celuk ngundangi Kaki Bawor, “Ramane…! Ramane…!” Kaki Bawor gagehan metu meng teras, “Celuk-celuk ana apa Kebayane?” Takone Kaki Bawor karo mapan njagong nang Risban. Kebayan Dikin marani, njuran nggered kursi dienggo njagong nang ngarepe Kaki Bawor, karo ngomong, “Entuk salam sekang Mas Giyo­no, guru SMA 2 Cilacap.”

“O, anu ketemu nang Anjungan Jawa Tengah TMII Jakarta, ndhing ming­gu wingi, yah?” takone Kaki Bawor nggenahaken. Njuran ngundang Mbekayu Tebok, “Bok.. Tebok! Kiye ana dhayoh, Kebayane.”

“Seh, denenga Ramane ngerti?” takone Kebayan Dikin mandan gumun.

“Ngerti persis ya ora, mung ngira-ira, soale inyong ya dikandhani pe­nguruse Paguyuban Wijayakusuma Jakarta, menawane Dinas Pemuda, Olah Raga dan Pariwisata Kabupaten Cilacap garep ngisi acara pentas kesenian ndhing wingi dina Minggu tanggal 26 Agustus 2018, nang An­jungan Jawa Tengah TMII Jakarta. Kayane mas Giyono sing nggarap keseniane,” kandhane Kaki Bawor nggenahaken. Ora let suwe, Mbe­kayu Tebok metu karo nggawa baki isi wedang kopi rong gelas karo ba­lokan sepiring, njuran diladekaken, karo takon, “O, dadi rika wingi minggu tes nonton maring Taman Mini, Tim Kesenian Cilacap kepriwe pentase, sukses mbokan?”

“Iya, lumayan sukses, Yu Tebok. Anu mentasaken sendratari Babad Ka­dipaten Donan, sing ana Manuk Garudha Berine. Jan maen pisan, Ra­mane. Dhasar Penarine karo Pengrawite nom-nom, bagus-bagus, ayu-ayu, trampil tur luwes. Sandhangane Bathik asli Cilacap, jan jempolan temenan,” ujare Kebayan Dikin karo ngathungaken jempol tangane loro pisan.

“Ramane, apa rika ngerti critane Babad Kadipaten Donan?” takone Kebayan Dikin kambi nyomot balokan terus dipangan.

“Ya, capet-capet. Kadipaten Donan kuwe sing dadi Adipatine jenenge Adipati Rangga Sengara, duwe anak wadon sing ayu banget, jenenge Dewi Sengorowati. Wektu kuwe Kadipaten Donan agi ana geger, yakuwe anane Manuk Garudha Beri sing mangsa kebo, sapi, wedhus, ingon-ingone para kawula tani Kadipaten Donan. Kanjeng Adipati Rangga Sengara njuran nganakaken sayembara. Sayembarane, sapa-sapa sing teyeng mateni Manuk Garudha Beri, nek wadon, garep diseduluraken karo Pu­trane, nek lanang garep didhaupaken karo Dewi Sengorowati. Ujare cri­ta, nganti suwe ora ana sing wani nglawan Manuk Garudha Beri kuwe, kawula Kadipaten Donan padha bingung, wedi, maras nek ingon-ingone entong, malah gari mangsa para kawula.”

“Lha, mbokan, njuran ana Santri undhig sing teyeng mateni Manuk Garudha Beri, Ramane?” Kebayan Dikin nyelani takon.

“Iya, bener,” ujare Kaki Bawor mbeneraken. “Santri undhig kuwe utusan sekang Keraton Demak, gole tekan Kadipaten Donan jane diutus nglacak Cis Tilamupih, pusaka Keraton Demak, sing tau disilih nang Adipati Rangga Sengara. Mulane Santri undhig saguh mateni Manuk Garudha Beri, sranane kudu nganggo pusaka Cis Tilamupih. Bareng wis dicekeli pu­saka Cis Tilamupih, awake Santri undhig dibungkus mori putih, njuran mapan nang njero blumbangan. Nek disawang sekang kadohan kaya sapi agi ndherum. Mulane bareng Manuk Garudha Beri sing agi mabur, weruh, njuran nggesut garep mangsa Santri undhig, gagehan Santri undhig namakaken pusaka cis Tilamupih, maring gulune, Manuk Garudha Beri mati sanalika. Bar mateni Manuk, Santri undhig ora gelem nampa hadhiah sayembara, malah njuran lunga ngulon, embuh maring ngendi parane. Klilan.

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik