Wali Kota Surabaya Kapilih Dadi Presiden UCLG ASPAC
Diposting oleh : Administrator
Kategori: Yak Opo Kabare - Dibaca: 26 kali

Wali Kota Surabaya Tri Rismahatini kapilih minangka presiden UCLG ASPAC 2018-2020. Pemilihan dianakake kanthi pasarujukane kabeh pe­hak (aklamasi) ing Dyandra Convention, Jumat (14/9) ke­pungkur. Kabeh negara utusan nyarujuki kapilihe Risma sing pancen mujudake siji-sijine calon pemimpin organisasi sing markase ana ing Jakarta iki.

Nampa tugas anyar kase­but, Risma wis nyiapake sape­rangan rencana. Dheweke ngakoni sanggane pengga­we­yan bakal dadi luwih kom­pleks. Saliyane mikirake kutha Surabaya, dheweke kudu mikirake kutha-kutha liyane ing Asia Pasifik. “Iki kerja abot,” pratelane.

Sanajan mangkono. Ris­ma optimistis bisa ngayahi tugas minangka presiden per­serikatan pemda sa-Asia Pa­sifik iki. Sasuwene rong taun mengarep, ana saperangan isu kang diprioritasake. Ing antarane, kutha ramah anak lan pemuda, pengentasan ke­miskinan, pemanasan global, lan good governance.

Satemene akeh masalah perkotaan kang dirangkum ing SDGs (sustainable development goals). Nanging, Ris­ma netepake kanggo munjer­ake marang saperangan wae sing manut dheweke ndhesek kanggo ditengenake.

Dheweke ndeleng lelabu­han anyare iku minangka ka­lodhangan kanggo ngleksa­nakake kasile Surabaya ma­rang kutha-kutha liyane. Apamaneh ing sisa mangsa jabatane sing bakal rampung taun 2021. Sing dakpepe­nginake, iki sisa pungkasan jabatanku lan aku kepengin dundum kanggo dhaerah liya­ne,” ujare.

Presiden UCLG ASPAC sadurunge, Won Hee-ryong, kanthi pralambang menehake wenange klawan menehake boket kembang marang Ris­ma. Dheweke uga nelakake pesen pungkasan minangka pemangku jabatan iku. Dhe­weke ngajap Risma bisa an­tuk sakehing manfaat sasu­wene njabat presiden UCLG  ASPAC.

“Matur nuwun. Aku akeh perkembangane sasuwene patang taun pungkasan iki, utamane basa Inggris ku,” ujare gubernur Jeju, Korsel, iku .

Sekretaris Jenderal UCLG  ASPAC Bernadia Irawati Tjandradewi ngajap Risma bisa aweh manfaat lan tu­ladha tumrap pemimpin dha­erah-dhaerah liyane. “Aku ma­rem jalaran calone mung siji saengga bisa langsung kapilih,” jlentrehe Bernadia.

Adhedhasar pengalaman sadurunge, tambahe, ana calon loro sing pungkasane masa jabatane didum. Bab iku ditindakake kanggo ngajeni lelorone negara kang wis nga­jokake calone kasebut. Yen ing tingkat dunia, mesthi migunakake voting. Rahayu­ne, ing Asia Pasifik luwih sa­laras (harmoni), kaya paku­linan kita uga kanggo nin­dakake musyawarah,” tan­dhese.

Pemilihan kasebut dite­rus­ake klawan pengumuman resmi presiden anyar marang kabeh utusan. Sawise iku, para anggota utusan sing asale saka 40 negara diajak  mubeng-mubeng nikmati Jalan Tunjungan numpak becak. (Bsh)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik